(නිමල් ජයරත්න)
 
වැලිකන්ද සෙවනපිටිය හරහා ගලා බසින ඉසෙඩ්.ඩී. ප්‍රධාන ඇලේ සොරොව්ව අසළ තිබි අද (24 )  පස්දරු මවකගේ මළ සිරුරක් සොයා ගත් බව වැලිකන්ද පොලිසිය කියයි.
 

මෙලෙස මියගොස් ඇත්තේ මනම්පිටිය නැගෙනහිර මහවැව අංක 45 ලිපිනයේ පදිංචිව සිටි 74 වියැති කේ.ඩී. ප්‍රේමලතා යන පස්දරු මවක බව පරික්ෂණ සිදුකරන වැලිකන්ද පොලිසිය පවසයි.
 
24 වෙනිදා අලුයම තුනට පමණ එම මව අතුරුදහන් වි ඇති බව හදිසි දුරකථන ඇමතුම් අංශයට පවුලේ සාමාජිකයන් විසින් දන්වා ඇති බවත් පසුව මේ පිළිබද සොයා බැලිමේදි 24 වෙනිදා උදැසන දියනෑමට ගිය කිහිප දෙනෙකු විසින් මෙම මවගේ මළ සිරුර සොරොව්වේ සිර වි ඇති බවට පොලිසියට දැනුම් දිමක් කල බවට පොලිසිය පවසයි.
 
ඒ අනුව එම මළ සිරුර ගොඩට ගෙන පශ්චාත් මරණ පරික්ෂණ කටයුතු සිදු කිරිමට නියමිත බවත් මෙය දියේ ගිලි මියයාමක්ද නැතහොත් ඝාතනයක්ද සම්බන්ධයෙන් සොයා බලන බව වැලිකන්ද පොලිස් ස්ථානාධිපති පොලිස් පරික්ෂක ලසන්ත බණ්ඩාර මහතා අප කල විමසිමකදි සදහන් කලේය.
 
පොළොන්නරුව ජ්‍යෙෂ්ඨ පොලිස් අධිකාරි ඔෂාන් හේවාවිතාරණ මතාගේ උපදෙස් මත වැලිකන්ද පොලිස් ස්ථානාධිපති පොලිස් පරික්ෂක ලසන්ත බණ්ඩාර මහතා ඇතුලු පොලිස් නිලධාරි කණ්ඩායමක් සිද්ධිය සම්බන්ධ වැඩිදුර පරික්ෂණ සිදු කරයි.