මහින්ද නිශ්ශංක

රජයේ පවතින තත්වය අනූව රාජ්‍ය සහ පෞද්ගලික ආයතන ප්‍රධානීන් විසින් නිර්දේශ කළ අත්‍යාවශ්‍ය සේවක සේවිකාවන්ගේ ගමන් පහසුව සදහා ලබන 11 වන සදුදා සිට දුම්රිය ධාවනය කිරීමේ වැඩපිළිවෙළක් සැලසුම් කර ඇතැයි දුම්රිය නියෝජ්‍ය සාමාන්‍යාධිකාරී වී.එස් පොල්වත්ත මහතා පවසයි.

දුම්රිය වානිජ අංශයට දැනුම් දී ඇති දුම්රිය වාර ප්‍රවේශ පත්‍ර හිමි සේවක සේවිකාවන් වෙනුවෙන් පමණක් මෙම දුම්රිය ධාවනය වන අතර මහනුවර, මහව, හලාවත, අවිස්සාවේල්ල සහ බෙලිඅත්තේ සිට කොළඹ බලා එම දුම්රිය ධාවනය කරනු ඇති බව ද ඒ මහතා පැවසීය.