IMG-LOGO

2025 ජුලි මස 17 වන බ්‍රහස්පතින්දා


සිනමාහලේ මත්පැන්හල වැසේ

(ඩයනා උදයංගනී)
            
සිනමා ශාලාවල මත්පැන් අලෙවිහල් බලපත‍්‍ර ලබාදීම සඳහා ජාතික චිත‍්‍රපට සංස්ථාව මගින් නිකුත් කරන නිර්දේශ ලිපි මින් ඉදිරියට නිකුත් නොකරන බවට නිවාස, ඉදිකිරීම් සහ සංස්කෘතික කටයුතු අමාත්‍ය සජිත් ප්‍රේමදාස මහතා අමාත්‍ය මණ්ඩල රැස්වීමේදී ප‍්‍රකාශ කර ඇත.

එහිදී සජිත් ප්‍රේමදාස මහතා ඉදිරිපත් කළ කරුණු අමාත්‍ය මණ්ඩලය විසින් සැළකිල්ලට ගෙන තිබේ.

ජාතික චිත‍්‍රපට සංස්ථාව ස්ථාපිත කිරීමෙන් පසු මුල් අවධියේදී සිනමා ශාලාවල මත්පැන් අලෙවිසැල් ස්ථාපිත කිරීම සඳහා සංස්ථාව මැදිහත් නොවූ නමුත් පසුකාලීනව මත්පැන් අලෙවිසැල් පවත්වා ගෙනයාම සඳහා සුරාබදු දෙපාර්තමේන්තුවට සංස්ථාව මගින් නිකුත් කරන නිර්දේශ ලිපියක් ලබාදීම අවශ්‍ය විය.

සිනමාශාලා තුළ මත්පැන් අලෙවිසැල් පවත්වාගෙනයාමෙන් ඒ වෙත පැමිණෙන ප්‍රේක්‍ෂක සංඛ්‍යාව ඉහළ නැංවීමට අපේක්‍ෂා කළ ද මත්පැන් හා දුම්වැටි භාවිතා කරන්නන් හේතුවෙන් ප්‍රේක්‍ෂකයන් අපහසුතාවට පත්වීම නිසා පැමිණෙන ප්‍රේක්‍ෂක සංඛ්‍යාව අඩුවන බව පෙනී ගොස් ඇතැයි අමාත්‍යවරයා ඇමැති මණ්ඩල රැස්වීමේදී ප‍්‍රකාශ කර තිබේ.

ඒ අනුව ගුණාත්මක සිනමා කර්මාන්තයක් බිහිකිරීමේ පියවරක් ලෙස මෙන්ම මතින් තොර රටක් ගොඩනැගීමේ ජාතික වැඩසටහනට දක්වන දායකත්වයක් ලෙස මෙම පියවර ගැනීමට තීරණය කර ඇතැයි ද අමාත්‍යවරයා ඇමති මණ්ඩලය හමුවේ ප‍්‍රකාශ කර ඇත.



අදහස් (4)

සිනමාහලේ මත්පැන්හල වැසේ

du Wednesday, 08 May 2019 12:23 PM

හොඳ පියවරකි.

:       130       85

KamalWednesday, 08 May 2019 02:18 PM

සිනමාශාලාවලට ආදායම ලැබුණේ ඔය බාර් එක නිසා තමයි. චිත්‍රපට බලන්න මිනිස්සු එන්නේ අඩුවෙන්. ඒකත් වැහුවොත් සිනමා ශාලාව වැහෙනවා. එතකොට චිත්‍රපටිත් ඉවරයි...

:       82       205

ranjith Wednesday, 08 May 2019 03:42 PM

හොඳ පියවරක්... සිනමාහල් වල මෙම ජාවාරම මගින් මුදල් හොයන එක මහා අපරාධයක්...

:       13       57

dhamneth Thursday, 09 May 2019 06:05 AM

ඉතා හොඳ පියවරක්..... චිත්‍ර නරඹන අයට නිදහසේ ඒවා නැරඹීමට ඉඩ සලසාදිය යුතුයි.

:       1       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 236 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 429 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 174 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site