IMG-LOGO

2025 ජුලි මස 19 වන සෙනසුරාදා


සන්ධ්‍යා එක්නැලිගොඩගේ අභියාචනය සලකා බැලීම 22 දා

( තිළිණි ද සිල්වා සහ රංජන් කටුගම්පොළ )

 

අතුරුදන්ව සිටින මාධ්‍යවේදී ප‍්‍රගීත් එක්නැලිගොඩ මහතාගේ බිරිඳට බැන වැදීමේ චෝදනාවට ගලගොඩඅත්තේ ඥානසාර හිමියන්ට හෝමාගම මහාධිකරණයෙන් පනවා ඇති අත්හිටුවීමේ සිර දඬුවම අනිවාර්ය සිර දඬුවමක් බවට පරිවර්තනය කිරීමේ නියෝගයක් නිකුත් කරන මෙන් ඉල්ලා එක්නැලිගොඩ මහතාගේ බිරිඳ වන සන්ධ්‍යා එක්නැලිගොඩ මහත්මිය විසින් ගොනු කර ඇති අභියාචන පෙත්සම මෙම මස 22 වැනිදා සලකා බලන ලෙස ශ්‍රේෂ්ඨාධිකරණය අද (31) නියෝග කළේය.

එම පෙත්සම  සිසිර ද ආබෲ, මුර්දු ප‍්‍රනාන්දු සහ ගාමිණි අමරසේකර යන මහත්ම මහත්මීන් ගෙන් සමන්විත ත‍්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ ඊයේ කැඳවනු ලැබූ අතර එහිදී පෙත්සම සළකා බැලීම මෙදිනට කල් තැබිණි.

මෙම පෙත්සම මාධ්‍යවේදී ප‍්‍රගීත් එක්නැලිගොඩ මහතාගේ බිරිඳ වන සන්ධ්‍යා එක්නැලිගොඩ මහත්මිය විසින් ගොනු කර ඇත.

පෙත්සමේ මෙසේද සඳහන් වේ.

මාධ්‍යවේදී ප‍්‍රගීත් එක්නැලිගොඩ මහතා අතුරුදන් වීම පිළිබඳ නඩුව හෝමාගම මහේස්ත‍්‍රාත් අධිකරණය හමුවේ විභාගයට ගත් අවස්ථාවේදී පෙත්සම්කාරියට බැන වැඳීමේ සිද්ධිය සම්බන්ධයෙන් එම අධිකරණයෙන් සය මසක සිරදඬුවමක් නියම කෙරිණි.

ඊට එරෙහිව ගලගොඩඅත්තේ ඥානසාර හිමියන් අභියාචනයක් හෝමාගම මහාධිකරණයට ඉදිරිපත් කළේය. එය සළකා බැලූ මහාධිකරණය අදාළ දඬුවම අත්හිටවූ සිර දඬුවමක් බවට පරිවර්තනය කිරීමට නියෝග කළේය.

මෙය නීතියට පටහැනි බැවින් අදාළ අත්හිටවූ සිරදඬුවම අනිවාර්ය සිරදඬුවමක් බවට පත් කිරීමට නියෝග කරන ලෙස ද පෙත්සම්කාරිය සිය පෙත්සමින් ඉල්ලා ඇත.

 



අදහස් (5)

සන්ධ්‍යා එක්නැලිගොඩගේ අභියාචනය සලකා බැලීම 22 දා

ගල්කටස් Friday, 31 May 2019 12:24 PM

මොන අායතනයේද වැඩ කලේ..? මෙයත් රටේ අවාසනාවට පහළ වෙච්ච කෙනෙක්.. උෟ මැරිලත් නැහැ අපිට වදදෙනවා...

:       0       0

Chanak los angeles Saturday, 01 June 2019 12:56 AM

නීතිය සැමට පොදුනම් ඇයගේ ඉල්ලීමට විරුද්ධව කිසිවක් කිව හැකිද ?

:       0       0

සිසිල් සුදේශ් Saturday, 01 June 2019 01:49 AM

නීතිය ඉදිරියේ හැම දෙනාම සමානයි.

:       0       0

rama Saturday, 01 June 2019 02:26 AM

දැන් නඩු දාන්න වෙන්නේ ජනාධිපතිතුමාට නිදහස් කලාට.

:       0       0

neel Saturday, 01 June 2019 06:28 AM

හාමුදුරුවන්ව ඇතුළට දාන්න ගොඩක් අයට වුවමනාව තියෙනවා. ඊට එරෙහිව නැගී සිටීම සිංහල අපගේ වගකීමක්. මේ සිංහලයාගේ අවසාන කාලේ ගෙවෙමින් යන්නේ....

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site