සුඩානයේ නැගෙනහිර අල්-ක්වෙඩාරිෆ් නගරයේ ජීවන වියදම ඉහල යෑමට එරෙහිව සිදුකළ විරෝධතා වලින් පුද්ගලයන් දෙදෙනකු මියයෑමත් සමඟ හදිසි තත්ත්වයක් ප්‍රකාශයට පත් කර ඇති අතර ඇඳිරි නීතිය ද පනවා ඇත.
 
ඇට්බරා නගරයේ ඇතිවූ විරෝධතා හේතුවෙන් මෙලෙසම හදිසි තත්ත්වයක් හා ඇඳිරි නීතිය ප්‍රකාශයට පත් කිරීමට බලධාරීන්ට සිදුවිය.
 
දහස් ගනන් පිරිස් වීථි බැස විරෝධතාවයේ යෙදුණ  අතර වාහන ගිනි  තැබීම් හා දේපල හානි ද වාර්තා විය.
 
උද්ධමනය ඉහළ  යෑම, භාණ්ඩ වල මිල අධික ලෙස ඉහල යෑම සහ තැන්පතු මුදල් ආපසු ගැනීම සීමා කිරීම වැනි බොහෝ දුෂ්කරතා හේතුවෙන් පොදු මහජනතාව මෙසේ විරෝධය පළ කළ බව මාධ්‍ය වාර්තා කර ඇත.
 

(රොයිටර් පුවත් ඇසුරිණි - 085)