2025 ජුලි මස 11 වන සිකුරාදා
2025 ජුලි මස 11 වන සිකුරාදා
(ඩයනා උදයංගනී)
ශ්රී ලංකා නිදහස් පක්‍ෂය සුරැකීමේ සංවිධානය බව කියමින් එක්සත් ජාතික පක්‍ෂයේ කොන්ත්රාත්තුවක් ඉටුකිරීමට පිරිසක් සූදානම් වන බව ශ්රී ලංකා නිදහස් පක්‍ෂ මහ ලේකම් මහාචාර්ය රෝහණ ලක්‍ෂ්මන් පියදාස මහතා පැවසීය.
ඔවුන් ඉදිරිපත් කරන තර්ක අනුව එම හඬ පිටුපස සිටින්නේ කවුරුන්ද යන්න තහවුරු වන බව ද මහ ලේකම්වරයා සඳහන් කළේය.
ඔවුන්ගේ සැබෑ පරමාර්ථය එජාපය යටතේ ඇති ආයතනවල සභාපති, උපසභාපති ධූර ලබාගැනීම මිස පක්‍ෂය ආරක්‍ෂා කිරීම නොවන බව කී මහාචාර්යවරයා එම කණ්ඩායම සමඟ සංවිධායකවරු 40ක් සිටින බව කීවත් එවන් සංඛ්‍යාවක් නැතැයි ද පැවසීය.
ඉතිහාසයේ සිට මීට පෙර අවස්ථාවලදී ද පක්‍ෂ කැඞීමේ උත්සාහයන් ක‍්‍රියාත්මක වූයේ පක්‍ෂය රකින බව සඳහන් කරමින් යැයි කී රෝහණ ලක්‍ෂ්මන් පියදාස මහතා එසේ කළ අය අවසානයේ නතර වුණේ එක්සත් ජාතික පක්‍ෂයේ බව ද කීවේය.
මහාචාර්ය රෝහණ ලක්‍ෂ්මන් පියදාස මහතා මේ බව පැවසුවේ කොළඹ, ඩාර්ලි පාරේ පිහිටි ශ්රී.ල.නි.ප මූලස්ථානයේදී අද (3) පැවති මාධ්‍ය හමුවක් අමතමිනි.
ශ්රී.ල.නි.පය පළාත් පාලන මැතිවරණයේදීද පරාජය වූයේ එක්සත් ජාතික පක්‍ෂය සමඟ සිටි නිසා යැයි කී මහාචාර්යවරයා රටට ආදරේ නම් එම තත්ත්වය තේරුම් ගෙන වෙනස් විය යුතු බව ද ප‍්‍රකාශ කළේය.
පක්‍ෂයේ යම් යම් ප‍්‍රතිවිරෝධතා ඇති බව කී පියදාස මහතා ආණ්ඩුවට සහය දුන් අය සම්බන්ධයෙන් ගත යුතු විනය ක‍්‍රියාමාර්ගවල ස්වභාවය ගැන පක්‍ෂ මධ්‍යම කාරක සභාවේදී සාකච්ඡා කරන බව ද පැවසීය.
මෙහිදී අදහස් දැක්වූ පාර්ලිමේන්තු මන්ත‍්‍රී, හිටපු අමාත්‍ය දයාසිරි ජයසේකර මහතා පැවසුවේ එදා පොදුජන පෙරමුණට සහය දුන් අයට මෙන්ම අද එජාපය හා එක්වූ අය සම්බන්ධව ද විනය පියවර නොගැනීම වරදක් බවත්, වර්තමානයේ පක්‍ෂයේ අර්බුද ඇතිවී තිබෙන්නේ ඒ නිසා බවත්ය.
සමහරුන්ට තිබෙන්නේ රාජපක්‍ෂ වෛරයක් බව කී මන්ත‍්‍රීවරයා දැන් ජනාධිපතිවරයාට දොස් කියමින් මාධ්‍ය හමු පවත්වන අය පිටුපස සිටින්නේ කවුරුන්ද යන්න ඉදිරියේදී හෙළි වනු ඇතැයි ද කීවේය.
රාජපක්‍ෂ මහතාගේ වැරදි මෙන්ම වික‍්‍රමසිංහ මහතාගේ වැරදි ගැනත් තමන්ටද විවේචන තිබෙන බව කී ජයසේකර මහතා රාජපක්‍ෂ වෛරය හා රනිල් වික‍්‍රමසිංහ වෛරය අනුව දේශපාලන තීන්දු ගත නොහැකි බව ද සඳහන් කළේය.
පක්‍ෂ දෙකක සහය ලබාගෙන ජාතික ආණ්ඩුවක් පිහිටුවා ඇමති මණ්ඩලය 35 දක්වා වැඩි කරගැනීමට එජාපය උත්සාහ කරන බව කී මන්ත‍්‍රීවරයා ශ්‍රීලනිප සුරැකීමේ සංවිධානයක් ඇති කර පක්‍ෂයෙන් කඩාගන්නා පිරිසක් එක්කර ගතහොත් ඒ දේ කළ හැකි බව ද කීවේය.
පක්‍ෂයට නව සංවිධායකවරුන් පත්කිරීමට ජනාධිපතිවරයා සැලසුම් කර ඇතැයි ද කී ජයසේකර මහතා වෙනත් පක්‍ෂවලට සහය දෙන අය ගැන තීරණයක් ගැනීමට සිදුවන බව ද පැවසීය.
ඡායාරූප - ඉෂාන් සංජීව
2025 ජුලි මස 04
245
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
769
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1189
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ශ්‍රීලනිපය සුරැකීමේ සංවිධානය ඉටුකරන්නේ එජාපයේ කොන්ත්රාත්තුවක්