(නාලක සංජීව දහනායක)

ශ‍්‍ර‍්‍රී ලංකා නිදහස් පක්‍ෂය ඉදිරි ජනාධිපතිවරණය සඳහා ජනාධිපතිවරණ අපේක්‍ෂකයකු ඉදිරිපත් කරන බවට පක්‍ෂ මහලේකම්, කුරුණෑගල දිස්ත‍්‍රික් පාර්ලිමේන්තු මන්ත‍්‍රී දයාසිරි ජයසේකර මහතා මැතිවරණ කොමිසමට අද (05) සවස දැනුම්දුන් බව ශ‍්‍ර‍්‍රී ලංකා නිදහස් පක්‍ෂ මාධ්‍ය ප‍්‍රකාශක, පාර්ලිමේන්තු මන්ත‍්‍රී  වීරකුමාර දිසානායක මහතා පැවැසීය. 

ජනාධිපතිවරණයට ශ්‍රී ලංකා නිදහස් පක්‍ෂ අපේක්‍ෂකයකු ඉදිරිපත් කළයුතු බවට පක්‍ෂයේ මධ්‍යමකාරක සභාව ගත් තීරණයක් අනුව මෙම දැනුම්දීම කළ බවද ඔහු කීය.

ඒ අනුව ජනාධිපතිවරණයට ඉදිරිපත් කරන අපේක්‍ෂකයා කවුද යන්න ඉදිරියේදී පැවැත්වීමට නියමිත සභා රැස්වීමකදී තීරණය කරන බවද  වීරකුමාර දිසානායක මහතා වැඩිදුරටත් පැවැසීය.