IMG-LOGO

2025 මැයි මස 11 වන ඉරිදා


ශානිගේ ඇප ඉල්ලූ පෙත්සම් විභාගයෙන් විනිසුරු මේනකා ඉවත්වෙයි

( තිළිණි ද සිල්වා සහ රංජන් කටුගම්පොළ )

රිමාන්ඩ් බාරයේ පසුව සිටින අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ජ්‍යෙෂ්ඨ පොලිස් අධිකාරි ශානි අබේසේකර සහ එම දෙපාර්තමේන්තුවේ හිටපු උප පොලිස් පරීක්ෂක සුගත් මෙන්ඩිස් යන  මහත්වරුන් ඇප මත මුදා හරින්නැයි කළ ඉල්ලීම ප්‍රතික්ෂේප කරමින් ගම්පහ මහාධිකරණය දුන් තීන්දුව බලරහිත කරන ලෙස ඉල්ලා ගොනු කළ ප්‍රතිශෝධන පෙත්සම් විභාගයෙන් ඉවත් වන බව  අභියාචනාධිකරණ විනිසුරු මේනකා ⁣විජේසුන්දර මහත්මිය  අද ( 23) විවෘත අධිකරණය හමුවේ දැනුම් දුන්නාය. 

මෙම ප්‍රතිශෝධන පෙත්සම සලකා  බැලීම සඳහා  අද මේනකා විජේසුන්දර මෙනවිය සහ නීල් ඉද්දවෙල යන මහතා ගෙන් සමන්විත විනිසුරු මඩුල්ල හමුවේ කැදවූ අතර එහිදී එම විනිසුරුවරිය මෙම පෙත්සම් විභාගයෙන් ඉවත් වන බව දැනුම් දෙන ලදී.

ඒ අනුව නැවතත් මෙම ප්‍රතිශෝධන පෙත්සම අභියාචනාධිකරණ සභාපති විනිසුරු අර්ජුන ඔබේසේකර මහතා වෙත යොමු කිරීමෙන් අනතුරුව පෙත්සම සලකා බැලීම සදහා නිශ්ශංක බන්දුල කරුණාරත්න සහ ආර්.ගුරුසිංහ මහත්වරුන් ගෙන් සමන්විත නව විනිසුරු මඩුල්ලක් නම් කරන ලදී.

ඒ අනුව ශානි අබේසේකර සහ සුගත් මෙන්ඩිස් යන මහත්වරුන් ඇප ඉල්ලා ගොනු කළ ප්‍රතිශෝධන පෙත්සම් මාර්තු 01 වැනිදා එම නව විනිසුරු මඩුල්ල හමුවේ කැදවීමට ද අභියාචනාධිකරණ සභාපති විනිසුරුවරයා නියම කළේය.

හිටපු නියෝජ්‍ය පොලිස්පති වාස් ගුණවර්ධන මහතා ඇතුළු විත්තිකරුවන් පිරිසකට එරෙහිව ගොනුකර තිබූ නඩුවකට අසත්‍ය සාක්ෂි නිර්මාණය කළේ යැයි කියන සිද්ධියක් සම්බන්ධයෙන් අත්අඩංගුවට ගත් සැකකාර ශානි අබේසේකර සහ සුගත් මෙන්ඩිස් යන මහත්වරුන්  ගම්පහ මහෙස්ත්‍රාත් අධිකරණය මඟින් රක්ෂිත බන්ධනාගාර ගතකර තිබුණි.

තමන්ව ඇප මත මුදා හරින මෙන් ඉල්ලා එම සැකකරුවන් විසින් ගම්පහ මහාධිකරණය වෙත ප්‍රතිශෝධන පෙත්සමක් ඉදිරිපත් කළේය.

එම ප්‍රතිශෝධන පෙත්සම විභාග කළ ගම්පහ මහාධිකරණය ඉකුත් දෙසැම්බර් 08 වැනිදා එම සැකකරුවන් දෙදෙනා ඇප මත මුදා හරින ලෙස කළ ඉල්ලීම ප්‍රතික්ෂේප කර තිබේ.

ඒ අනුව ගම්පහ මහාධිකරණයේ තීන්දුව ප්‍රතිශෝධනය කර තමන්ව ඇප මත මුදාහරින ලෙස ඉල්ලමින් ශානි අබේසේකර ඇතුළු සැකකරුවන් දෙදෙනාම අභියාචනාධිකරණයට එම පෙත්සම ඉදිරිපත් කර තිබේ.

 



අදහස් (7)

ශානිගේ ඇප ඉල්ලූ පෙත්සම් විභාගයෙන් විනිසුරු මේනකා ඉවත්වෙයි

Puppa Tuesday, 23 February 2021 10:09 AM

මේ අවංක මිනිසා නිදහස් කරපල්ලා... කොමිසමේදී දැක්කා නේද මේ මිනිසාට ඇති දේපළ...

:       42       57

Nuwan Tuesday, 23 February 2021 10:26 AM

දේශපාලන පළිගැනීම් කියලා තමන්ගේ පුත්තු, නෑදෑයින්, හිතවතුන්ට තියෙන සාධාරණ නඩු විසිකරන්න එකඑක කමිටු ගේනවා.. නමුත් ඇත්තටම ඇස් පනාපිට පලිගැනීමට ලක්වෙන අය ලෝකෙම දන්නවා.

:       26       56

Demuni Uduwara Tuesday, 23 February 2021 02:23 PM

ශානි රජයට වැඩකළත් දේශපාලකයින්ට වැඩ කළේ නැහැ.. ඒ නිසා ඔහු ඒයින් නිදහස්..

:       59       44

Perera Tuesday, 23 February 2021 05:43 PM

ස්වාධීන තීන්දු දීමේ හැකියාවක් නැතුවා වත්ද?

:       0       0

Senarath Wednesday, 24 February 2021 03:20 AM

වැරැදිකරුවන් 100ක් නිවැරැදි කරුවන් කීමට වඩා බරපතල වරදක් එක නිවැරැදිකරුවෙක් හිතාමතාම වැරැදිකරුවෙකු කිරීම. බොරු සාක්කි හදපු නිසා අද කීයක් නිකරුණේ හිරේ ඉන්නවද?

:       1       1

sharm warn Wednesday, 24 February 2021 06:57 AM

නීතිපතිට කැමැති නඩු වැරැදි, නිවැරැදි නොබලා අහක දමනවා.. හරියට ගොනුකරන්නෙත් නැහැ. ශානි මහත්තයාටත් තිබුණේ ඡන්දෙ ඉල්ලලා පාර්ලිමේන්තු යන්න. කොහොම වුණත් ලස්සනට ගරුකටයුතු මන්ත්‍රී වෙලා ඉන්න තිබුණනේ ඉතින්.

:       0       3

athula Wednesday, 24 February 2021 08:26 AM

CID එකේ සිටි කීර්තිමත්ම, දක්ෂතම නිලධාරියා. මෙතුමා කිසිම අල්ලසකට යටනොවුණු හොඳ පිටකොන්දක් තිබෙන වටිනා මහත්මයෙක්... අපි පුදුම වෙන්නේ මෙතුමා හිරේ නොසිටියා නම් ගෝඨාභයගේ පාලනය තුළ පිට කොන්දක් සහිත කිසිම නිලධාරියෙකුටද රාජකාරිය කළ නොහැකියි. රජවෙන්න ඕන අය සිරගෙවල්වල... සිරගෙවල්වල ඉන්න ඕනෑ අය හිර ගෙවල්වල... ජඩකම් නොකර මෙතුමාව නිදහස් කරපල්ලා...

:       1       2

ඔබේ අදහස් එවන්න

 

 
 

එසැණ පුවත්

ඉන්දු-පකිස්ථාන සටන් විරාමය ගැන ජනපතිගෙන් නිවේදනයක්
2025 මැයි මස 11 4 0

ඉන්දියාව සහ පාකිස්තානය අතර සටන් විරාම එකඟතාව ශ්‍රී ලංකාවේ ජනාධිපති, රජය හා ජනතාව ලෙස සාදරයෙන් පිළිගන්නා බව ජනාධිපති අනුර කුමාර දිසානායක මහතා නිවේදනය


ප්‍රපාතයට වැටුණු බසය ගොඩ ගනී
2025 මැයි මස 11 160 0

රම්බොඩ ගැරඩි ඇල්ල ප්‍රදේශයේදි ප්‍රපාතයකට පෙරලුණු බස් රථය අද පස්වරුවේ ගොඩගෙන ඉදිරි පරික්ෂණ කටයුතු සදහා කොත්මලේ පොලිසිය වෙත රැගෙන යනු ලැබීය.


දියණියගේ මරුවා වයරයෙන් එයි
2025 මැයි මස 11 36 0

මොරගහහේන මිල්ලෑව ප්‍රදේශයේ නිවසක් ආලෝකමත් කිරීමට සවිකර තිබූ විදුලි බුබුළු වැලක සිදුවූ විදුලි කාන්දුවක් නිසාවෙන් එම විදුලි බුබුළු වැල ස්පර්ශ කළ නව හැ


ගින්නට හසු වූ තිදරු පියා මරුට
2025 මැයි මස 11 572 0

කොස්ලන්ද මීරියබැද්ද ප්‍රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.


‘තුවාල වූ අය බේරගන්න උපරිමය කරන්න‘
2025 මැයි මස 11 1537 0

කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්‍රදේශයේ රෝහල් වලටත


රැඳවියන්ට වෙසක් තෑග්ගක්
2025 මැයි මස 11 453 0

වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1041 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1446 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 374 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site