( තිළිණි ද සිල්වා )
 
ජනාධිපති මෛත්‍රීපාල සිරිසේන මහතා විසින් වහාම පාර්ලිමේන්තුව කැදවීමට පියවර ගත යුතු බව යුරෝපා සංගමය අද (30) යළිත් නිවේදනයක් නිකුත් කරමින්  කියා සිටී.


නිවේදනයක් නිකුත් කරමින් එම සංගමය පෙන්වා දෙන්නේ ශ්‍රී ලංකාව තුළ හදිසියේ ඇති වී ඇති දේශපාලන අස්ථාවරත්වය හා නොසන්සුන්තාවය හේතුවෙන් රට අවදානමකට ලක්ව ඇති බව යුරෝපා සංගමය පවසයි.


යුරෝපා සංගමයේ තානාපතිවරයා ඇතුළු අනෙකුත් ජාත්‍යන්තර හවුල්කරුවන් ඊයේ(29) දිනයේ දී ජනාධිපති මෛත්‍රීපාල සිරිසේන මහතා හමුවී ඇති බව එම නිවේදනයේ සඳහන්ය.


රටේ ව්‍යවස්ථාවට ගරු කරන විසදුමක් කඩිනමින් සොයා ගැනීමට අවශ්‍ය ක්‍රියාමාර්ග ගන්නා ලෙස එහිදි ජනාධිපතිවරයාගෙන් ඉල්ලීමක් කර ඇති බව යුරෝපා සංගමය පෙන්වා දෙයි.


ශ්‍රී ලාංකික ජනතාවගේ පූර්ණ යහපත උදෙසා සංහිදියාව සහ ප්‍රජාතන්ත්‍රවාදය ඉදිරියට ගෙනයාම සඳහා සිය සහයෝගය ලබාදීමට අපේක්ෂා කරන බව ද යුරෝපා සංගමය පවසයි.