(නිමන්ති රණසිංහ)
 
ජාතික නිදහස් පෙරමුණේ නායක විමල් වීරවංශ මහතා ඇතුළු සැකකරුවන් 6 දෙනාගේ නඩුව මැයි 13 වැනි දා සිට විභාගයට ගැනීමට කොළඹ ප්‍රධාන මහෙස්ත්‍රාත් ලංකා ජයරත්න මෙනවිය අද (25) නියෝග කළාය.                                        

එක්සත් ජාතීන්ගේ මානව හිමිකම් කාර්යාලයේ අල් - හුසේන් කුමරු මෙරටට පැමිණි දින උද්ඝෝෂණයක් සිදු කරමින් මංමාවත් පනත උල්ලංඝණය කළැයි වීරවංශ මහතාට චෝදනා එල්ල වී තිබේ.                      

සිද්ධියට අදාළව ඇප මත සිටි පාර්ලිමේන්තු මන්ත්‍රී විමල් වීරවංශ මහතා ඇතුළු සැකකරුවන් 6 දෙනා අද (25) අධිකරණයේ පෙනී සිටියේය.                             

පැමිණිල්ලේ පළමු සාක්කිය සඳහා සිතාසි නිකුත් කරමින් නඩුව මැයි මස 13 වැනි දා තෙක් කල් තැබිණි.