අණ නොතකා ධාවනය කළ වෑන් රථයකට වාද්දුව නගරයේදී හමුදා නිලධාරීන් එල්ල කළ වෙඩි තැබීමකදී තුවාල ලැබූ සැකකරු මියගොස් ඇති බවත්, පලාගිය සැකකරු අත්අඩංගුවට ගත් බවත් පොලිස් ආරංචි මාර්ග පවසයි.
 
ඊයේ (29) වාද්දුව නගරයේ සිට පානදුර පිංවත්ත දක්වා අණ නොතකා ධාවනය කළ වෑන් රථයක් පසුපස හමුදා භට පිරිසක් හඹාගිය අතර, එම අවස්ථාවේදී වෙඩි වැදී තුවාල වූ පුද්ගලයා අත්අඩංගුවට ගෙන පොලිසියට බාරදී තිබිණි.
 
තුවාල ලැබූ සැකකරු පොලිස් ආරක්‍ෂාව මධ්‍යයේ පානදුර රෝහලේ ප‍්‍රතිකාර ලබමින් සිටියේය. 

සැකකරුවන් දෙදෙනා මත්තේගොඩ ප්‍රදේශයේදී එම වෑන් රථය පැහැරගෙන පලායමින් සිටියදී වාද්දුවේ මාර්ග බාධකයක් අසළදී රිය නොනවත්වා ධාවනය කිරීම හේතුවෙන් මෙම වෙඩි ප්‍රහාරය එල්ල වී තිබිණි.