විදේශ සේවා කාර්යංශයේ නිලධාරීන්ට දුන් ස්ථාන මාරු අවලංගු කරයි

(විනීතා එම් ගමගේ)

ශ්‍රී ලංකා විදේශ සේවා නියුක්ති කාර්යංශයේ මාධ්‍ය ඒකකයේ නිලධාරින් පස්දෙනෙකුට දී ඇති දඬුවම් ස්ථාන මාරුවක් අවලංගු කරන ලෙස මැතිවරණ කොමිෂන් සභාව නියෝග කර ඇත.

කාර්යංශයේ මාධ්‍ය ඒකකයේ නිලධාරීන්ට ඉකුත් සැප්තැම්බර් 4 වැනිදා ලබා දී ඇත්තේ ගාල්ල දිස්ත‍්‍රික්කයේ ඇල්පිටිය ඇතුළු ස්ථාන කිහිපයක පැවැති විවෘත කිරීම් කිහිපයක ආවරණ කටයුතු කරන ලෙස පාර්ලිමේන්තු මන්ත‍්‍රී මනූෂ නානායක්කාර මහතා විසින් කළ නියෝගයක් ප‍්‍රතික්ෂේප කිරීම හේතුවෙනි.

එම නිලධාරීන් වව්නියාව, ත‍්‍රිකුණාමලය, අනුරාධපුර පොලොන්නරුව හා දඹුල්ල යන ප‍්‍රාදේශීය කාර්යාලවලට මාරු කර යවා තිබිණි.

මෙම ස්ථාන මාරු අත්හිටුවා ඒ පිළිබඳ ගෙන ඇති කි‍්‍රයා මාර්ග පිළිබඳව තමන් වෙත දන්වා එවන්නැයි මැතිවරණ කොමිෂන් සභාවේ සභාපතිවරයා විසින් කාර්යංශය වෙත ලිපියක් යවා ඇති අතර ස්ථාන මාරු අත්හිටුවා ඇති බැවින් වහා පෙර සේවය කළ මාධ්‍ය අංශය වෙත වාර්තා කරන ලෙස දන්වමින් කාර්යංශයේ නියෝජ්‍ය සාමාන්‍යධිකාරි (පරිපාලන හා මහජන සම්බන්ධතා) විසින් අදාළ නිලධාරීන් වෙත දන්වා යවා ඇතැයි කාර්යාංශ ආරංචි මාර්ග සඳහන් කරයි.

අදහස් (7)

විදේශ සේවා කාර්යංශයේ නිලධාරීන්ට දුන් ස්ථාන මාරු අවලංගු කරයි

anu Tuesday, 15 October 2019 08:49 AM

යහපාලන මාරු.

: 6 138

rama Tuesday, 15 October 2019 09:12 AM

ආණ්ඩුව කුජීත වේ.ලැජ්ජයි.ලැජ්ජයි.

: 18 138

සමන්ත දෝහා කටාර් Tuesday, 15 October 2019 10:42 AM

පිටරට ඉන්නා අපට කිසිම ප්‍රයෝජනයක් නැති විදේශ සේවා කාර්යංශයක්.

: 0 0

krishantha Tuesday, 15 October 2019 10:03 AM

පුතනෝ නොදැන වෙන දේවල් තමා ඉතින් .

: 0 9

මොහමඩ් රිස්වාන් සව්දි අරාබිය Tuesday, 15 October 2019 10:40 AM

විදේශගත ශ්‍රී ලාංකිකයන්ට වඩා වැඩි සේවකයන් පිරිසක් විදේශ සේවා කාර්යංශයේ වැඩ කරනවා. කොපමණ රාජාකාරී වාහනද? නිලධාරීන් නිතරම කයිවාරු ගහගෙන නිකම් ඉන්නවා. ඒ අයට කියලා වැඩක් නැහැ. ඇමතිවරුන් මාරු වන තරමට අලුත් පත්වීම් දී තිබෙනවා. මේවා විදේශ සේවා කාර්යංශයට ගියාම අපට සාමාන්‍යයෙන් දැකිය හැකි දේවල්.

: 0 1

ලලිත් කුමාර Friday, 18 October 2019 09:56 AM

මනූෂට කොහොමද එහෙම බලයක්. මේවා අත්සන් කල නිලධාරියාටත් දඩුවම් දෙන්න. රාජය දේපල අවභාවිතා කරන මේ අයට දඩුවම් දෙන්න.

: 0 0

වජිරා කුමුදිනි Friday, 18 October 2019 10:01 AM

අයියෝ රට. විදේශගත ශ්‍රී ලාංකිකයන්ට වඩා වැඩි සේවකයන් පිරිසක් විදේශ සේවා කාර්යංශයේ වැඩ කරනවා. කොපමණ රාජාකාරී වාහනද? නිලධාරීන් නිතරම කයිවාරු ගහගෙන නිකම් ඉන්නවා. මනූෂට කොහොමද එහෙම බලයක්. මේවා අත්සන් කල නිලධාරියාටත් දඩුවම් දෙන්න

: 0 0