(ජේ.කේ.එල්. චාමින්ද සහ රවි ලියනගේ)

විදුලිබල ක්ෂේත්‍රයේ වසර ගණනාවක සිට බරපතළ මාෆියාවක් තියෙනවා. විදුලිය පිළිබද ප්‍රශ්නය එකපාරටම  ආපු  ප්‍රශ්නයක් නෙවෙයි.විදුලිබල ක්ෂේත්‍රයේ කටයුතු පිළිබද තාක්ෂණික අංශවල  වසර ගණනාවක් තිස්සේ ප්‍රශ්න රාශියක් තියෙනවා. ඒ ප්‍රශ්න විසදා ගැනිමට නොලැබිමේ අවාසනාවන්ත තත්ත්වය නිසා තමයි ජනතාවට කළුවරේ ඉන්න වෙලා තියෙන්නේ යැයි හිටපු ජනාධිපති මෛත්‍රිපාල සිරිසේන මහතා  පැවසිය.

විදුලි අර්බුදයක් නොමැති කාලවලදිත්  පුද්ගලික අංශයෙන් විදුලිය ගැනිමට කෝටි බිලියන කියක් වැය වෙනවාද කියලා මේ රටේ ජනතාව දන්නේ නැහැ. දිර්ඝකාලයන සිට පුද්ගලික අංශයෙන් විදුලිය ගන්න අති විශාල මුදලක් වැය කරණවා.

තිබු ප්‍රශ්න එකතුවෙලා එකතුවෙලා ඉතා නරක තැනකට ඇවිත් තියෙනවා. තෙල් අර්බුදය ගල් අඟුරු පිළිබද ප්‍රශ්න  ආර්ථික අර්බුදයත් එක්ක ඇතිවෙලා තියෙන තත්වයක්. තාක්ෂණික හා දේශාපලන අංශ ඒ අය සාකච්ඡා කර මේ ප්‍රශ්නය විසදලා  ජනතාවට අවශ්‍ය සහන සුභසාධන පහුසකම් ලබාදිම තමයි වැදගත් වෙන්නේ.

ගාල්ල විද්‍යාලෝක පිරිවෙන් මහා විහාරස්ථානයේ  ශ්‍රි පුඤ්ඤසාර සමරු සදහම්පාය  විවෘත කිරිමෙන් පසු  මාධ්‍යවේදින් නැගු ප්‍රශ්නවලට පිළිතුරුදෙමින් හිටපු ජනාධිපතිවරයා මේ බව සදහන් කළේය.