ලෙබනනයේ බීරූට් නගරයේ වරායේ සිදුවූ පිපිරීමෙන් තුවාල ලැබූ ශ්රී ලාංකිකයින් සංඛ්යාව 08 දෙනෙකු දක්වා ඉහළ ගොස් ඇතැයි ලෙබනනයේ ශ්රී ලංකා තානාපති කාර්යාලය සදහන් කර සිටී.
එම ලාංකිකයින් පිරිස මේ වන විට රෝහල්ගතව ප්රතිකාර ලබමින් සිටින බවද එරට ශ්රී ලංකා තානාපති කාර්යාලය වැඩිදුරටත් සඳහන් කළේය.
අදාළ පිපිරීමෙන් බීරූට් අගනුවර වෙසෙන ශ්රී ලාංකිකයින් පිරිසකගේ නිවාසවලටද ද හානි සිදුව ඇති බවට තොරතුරු ලැබී ඇතැයි ශ්රී ලංකා තානාපති කාර්යාලය සඳහන් කළේය.
පසුගිය 04 වැනිදා ලෙබනනයේ බීරූට් අගනුවර වරායේ ගබඩාවක තිබූ ඇමෝනියම් නයිට්රේට් ටොන් 2,750ක් පිපිරීමෙන් පුද්ගලයින් 135 දෙනෙකු මියගොස් තවත් 4000කට ආසන්න පිරිසක් තුවාල ලබා සිටිති.
පිපිරීම හේතුවෙන් බීරූට් නුවර පිහිටි ශ්රී ලංකා තානාපති කාර්යාලයට සහ තානාපති කාර්යාල නිලධාරින්ගේ නිවාසවලට සුළු හානි සිදුවු අතර ඉන් කිසිදු තානාපති කාර්යාල නිලධාරියකු තුවාල සිදු නොවූ බවද ශ්රී ලංකා තානාපති කාර්යාලය කියා සිටී.
ලෙබනනයේ ශ්රී ලාංකිකයින් 25,000ක් පමණ ජීවත් වන අතර බීරූට් නගරයේ වෙසෙන ශ්රී ලාංකිකයින් පිළිබඳ තොරතුරු බීරුට් නුවර පිහිටි ශ්රී ලංකා තානාපති කාර්යාලයේ 00961 5769585 යන දුරකථන අංකයෙන් සහ [email protected] යන විද්යුත් තැපැල් ලිපිනය ඔස්සේ තොරතුරු ලබා ගත හැකි බවද එම තානාපති කාර්යාලය සදහන් කර සිටී.
(125)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලෙබනනයේ පිපිරුමෙන් තුවාල වූ ලාංකිකයින් සංඛ්යාව 8 තෙක් ඉහළට
Rohana Thursday, 06 August 2020 12:52 PM
මෙවැනි විනාශයක් කරගත්තේ බලධාරීන්ගේ නොසැලකිල්ලෙන්... පුපුරන බව දැනදැනත් අනාරක්ෂිතව ගබඩාකලේ ඇයි?