(චන්ද්‍රසේන ගමගේ සහ පාලිත ආරියවංශ)
 
ලුණුගම්වෙහෙර, 22 කණුව අසළදී අද (09) අලුයම සිදු වූ රිය අනතුරකින් පුද්ගලයින් 6 දෙනෙකු මිය ගොස් 3 දෙනෙකු තුවාල ලබා ඇතැයි ලුණුගම්වෙහෙර පොලීසිය පවසයි.
 
මිය ගිය පිරිස ගාල්ලේ පදිංචිකරුවෝ වෙති. මොවුන් කතරගම වන්දනාවේ යමින් සිටි පිරිසක් බව අනාවරණය වී තිබේ.
 
මත්තල සිට වැල්ලවාය - මාතර මාර්ගය දෙසට පැමිණි වෑන් රථය පලු ගසක වැදී මෙම අනතුර සිදුවී තිබේ. අනතුර සිදුවන අවස්ථාවේ වෑන් රථයේ පුද්ගලයන් 9 දෙනෙකු සිට ඇත.
 
තුවාල ලැබූ තිදෙනා හම්බන්තොට දිස්ත්‍රික් මූලික රෝහලට ඇතුළත් කර ඇති අතර, තුවාල ලැබූවන් අතර වෑන් රථයේ රියදුරාද වන බව පොලිසිය කියයි.
 
මිය ගිය අයගේ සිරුරු ලුණුගම්වෙහෙර රෝහලේ  තැන්පත් කර ඇති බව රෝහල් ආරංචි මාර්ග කියයි.
 
සිද්ධිය සම්බන්ධයෙන් ලුණුගම්වෙහෙර පොලීසිය වැඩිදුර විමර්ශන පවත්වයි.

(ඡායාරූප - දිලීප් ජයසේකර)