ලුණුගම්වෙහෙරදී රිය අනතුරකින් 6ක් මරුට:3ක් රෝහලේ

කතරගමත් දෙයියෝ නෑ..

මේක තමයි හයිවේ මේනියාව... ඕකට බෙහෙත් නැත.

ඇයි මේ..?

මිනිසුන් මියයනවිට දුකයි. මරණයට අත වනා ඉල්ලා සිටින්නවුන් ගැන තවත් දුකයි. මෙයට විසඳුම ලෙස පාර අයිනේ තියෙන පලුගස ඉවත් කිරීමට කෙනෙක් යෝජනා නොකළොත් තමයි පුදුමේ..

ඉතාම හෙමින් ගිහිල්ලා තියෙනවා කියලා පේනවා. පැයට කිලෝමීටර 120 කින්වත් යන්න ඕනෑ. මේ විදිහට අලාභහානි වෙන්න.

කියන්න දෙයක් නැහැ.. නින්ද වෙන්න ඇති.. එළිවෙන යාමේ රිය පදවනවා නම් කරුණා කරලා කලින් දවසේ හොඳට නිදාගන්න. බොන්න එපා. ඒ වගේම වේගය පාලනය කරගන්න. සාමාන්‍ය මාර්ගයේ අධික වේගයෙන් ඔබ ගියත්, ගමනට ගතවන කාලෙන් ඔබට ඉතිරි කරගත හැක්කේ පැය 1/2 කටත් අඩු කාලයක්... ඔබට දැනෙන්න ඕනේ, වේගය වැඩිවෙද්දී වාහනයේ පාලනය ඔබ අතින් ගිලිහෙන බව... ඔබ විතරක් නෙමෙයි අනිත් අයවත් අනතුරකට කැඳවනවා. වෙන කියන්න දෙයක් නැහැ. එච්චරයි..

ඔය වාහනයේ ගිය අය සේරම සීට් බෙල්ට් පැළදගෙන සිටියානම් මැරෙන්නේ එක්කෙනයි. ඉස්සරහ ආසනයේ ගිය කෙනා විතරයි. අනිත් අය ඔක්කොම මැරිලා තියෙන්නේ වීසිවෙලා ගිහින්. ලංකාවේ ඉතින් ඉන්නේ ඔක්කොම චන්ඩිනේ. යකඩෙන් හදල කියල හිතන් ඉන්නේ, ලංකාවේ කාර් වල පිටිපස්සේ යන අයත් සීට් බෙල්ට් දාන්නේ නැහැ. අම්මා, තාත්තා සීට් බෙල්ට් දාගෙන නමුත් පොඩි ළමයි ඉස්සරහ සීට් දෙක අතර හිටගෙන යනවා මම දැකලා තියෙනව. කාර් එකක් හැප්පිලා ඉස්සරහ වින්ඩ් ස්ක්‍රීන් එක කඩාගෙන එළියට විසිවෙලා ඒ කාර් එකටම යටවෙලා පොඩි ළමයෙක් මැරුනා. දැනට කලකට පෙර, ඕකට දඩ ගහනකොට පොලීසියට බනින මෝඩයෝ ඉන්නේ.

මේ ජාතියේ වෑන් අනතුරට ලක් වෙනවා බොහොම වැඩියි .හේතුව මේවයේ රියදුරෝ හිතන්නේ මේවා රෙසින් කාර් කියලා. ගිය සතියේ ඔමාරගොල්ලේදී අනතුරට ලක් වුනෙත් මේ එකක්. මේවා තියෙන අය ප්‍රවේසමෙන් යන්න හිතට ගන්න.

හරිම කණගාටුදායක සිදුවීමක්, වාහනයේ ඉස්සරහ කුඩුපට්ටම් වෙලත් ඩ්‍රයිවර් තුවාල ලබලා විතරයි, පිටුපස අසුන් වල සිටි අය මිය ගිහින්, මේකට හේතුව සීට් බෙල්ට් දාගන්නේ නැතිකම, අනතුර වෙනකොට වාහනේ අධික වේගයකින් ධාවන වෙනවා නම් වාහනය වගේම ඇතුලත සිටින මිනිසුන්ටත් ඒ වේගය තියෙනවා, මිනිසුන්ගේ ශරීරයේ අභ්‍යන්තර අවයවයන්ටත් ඒ වේගය තියෙනවා, දැන් වාහනය දෘඩවස්තුවක ගැටිලා ක්ෂණිකව වේගය නතර වුනාට ඇතුලේ ඉන්න මිනිස්සුන්ට එහෙම වේගය නතර කරගන්න බැහැ.. ඔවුන් වාහනය තුල බඳෙහි ගැටෙනවා. අභ්‍යන්තර අවයවත් ශරීරය තුල ඝට්ටනය වෙනවා, මොලය හිස් කබල තුළත්, අනෙක් වැදගත් අවයව ඉල ඇට කූඩුව තුලත් ඝට්ටනය වෙලා තුවාල වෙනවා. පිටට පෙනෙන්න ලොකු තුවාල නොතිබුනත් සුෂුම්නාව බිඳෙනවා මොලයේ දරුණු තුවාල අභ්‍යන්තර අවයවයන්හි දරුණු තුවාල ඇති වෙනවා. ඒ නිසයි වාහන වල සීට්බෙල්ට් සහ එයා බෑගයන් වගේ ආරක්ෂක උපාංග සවිකර තිබෙන්නේ, මේවා වලින් නියමිත ආරක්ෂාව ගන්නත් ආසන පටි පැළඳ සිටීම අනිවාර්යයි. කරුණාකරලා වේගය පාලනය කරගන්න. ආසන පටි පළඳින්න. නීතිවලට අනුකූලව රිය පදවන්න.

මේ ලගකදී පාරවල් අයින්වල ගස් හිටවන්න ගත්තනේ. එතකොට මැරෙන එක තව වැඩි වෙයි.

හරිම කණගාටුදායකයි. හැමදාම බැලුවම කොහේ හරි රිය අනතුරක්... රියදුරාලගේ නොසැලකිල්ලද? සමහර රියදුරන් යනවා නෙවෙයි ඉගිල්ලෙන්න හදනවා...