(තිළිණි ද සිල්වා)

ශ්‍රී ලංකාවේදී පැවැත්වීමට නියමිතව තිබූ 2021 ලෝක විවාහක රූ රැජන තරගාවලිය, ඇමරිකාවේ ලාස් වේගාස්හිදී පැවැත්වීමට එම  තරගාවලියේ  සංවිධායක මණ්ඩලය තීරණය කර ඇත.

කොවිඩ් වසංගතය හමුවේ අදාළ තරගාවලිය ශ්‍රී ලංකාවේ නොපවත්වන බව ලෝක විවාහක රූ රැජන තරගාවලිය සංවිධානය නිවේදනය කර තිබේ.

ඒ අනුව ලෝක විවාහක රූ රැජන තරගාවලිය ලබන  ජනවාරි 09 වැනිදා සිට 16 වැනිදා දක්වා ඇමරිකාවේ ලාස් වේගාස් නගරයේ වෙස්ගේට් ලාස්වේගාස් රිසෝට් හිදී දී පවත්වන බවද එම තරගාවලි සංවිධායකයන් නිවේදනය කර ඇත.

2021 ලෝක විවාහක රූ රැජන තරගාවලිය, මෙරට දී පැවැත්වීමට නොහැකි වීම සම්බන්ධයෙන් එම තරගාවලිය සංවිධානය කරන ආයතනය සිය කනගාටුව ද පළ කර සිටී.