(හිරාන් ප්‍රියංකර ජයසිංහ) 
 
දේශපාලන කණ්ඩායම් දෙකක ආධාරකරුවන් අතර ඇතිවු ගැටුමකින් බේරිමට ආ එක් කණ්ඩායමක් පුත්තලම නගරයේ පිහිටි හිටපු වයඔ පළාත් සභා මන්ත්‍රිවරයකුගේ නිවසට කඩා වැදීමෙන් කාලගොට්ටියක් ඇතිවි තිබු බව පුත්තලම පොලිසිය පවසයි.
 
ඊයේ රාත්‍රියේදී මෙය සිදුව තිබේ.
 
ඇමති රිෂාඩ් බදුර්දින් මහතාගේ ආධාරකරුවන් හා නැගෙනහිර ආණ්ඩුකාර හිස්බුල්ලා මහතාගේ ආධාරකරුවන් අතර මෙම ගැටුම ඇතිව තිබෙන බව පොලීසිය කියයි.

මෙම පාර්ශව දෙක අතර ඇතිවු ගැටුම දුරදිග ගොස් එහිදී ඇමති රිෂාඩ් බදුර්දින් මහතාගේ ආධාරකරුවන්ගේ පහර දිමට ලක්වු හිස්බුල්ලා මහතාගේ  කණ්ඩායම ඉන්  බේරීම සදහා පුත්තලම නගරයේ පිහිටි වයඹ පළාත් සභාවේ හිටපු සභානායක චින්තක අමල් මායාදුන්න මහතාගේ නිවසට කඩා වැදී සැඟව ඇති බව පොලීසිය කියයි.
 
නිවසේ සැගවුණ ආධාරකරුවන් සොයමින් අනෙක් ආධාරකරුවන් චින්තක අමල් මායාදුන්න මහතාගේ නිවස පිරමින් සොයා ඇති බවත් එහිදි නිවසේ සිටි  සිය පුත්‍රයාට පහර දී ඇති බව  චින්තක මහතාගේ පැමිණිලි කර තිබේ.
 
ජන්ද කටයුතු වලට ගොස් නිවසට පැමිණි  හිටපු මායාදුන්නේ මහතාද  පහර දිමට පැමිණි පිරිස් විසින් සිරකරගෙන සිටි බවද කියයි.
 
කෙසේ නමුත් මෙම සිද්දියත් සමඟ මෙම ස්ථානයට පැමිණි හිටපු පළාත් සභා මන්ත්‍රිවරයාගේ ආධාරකරුවන් 500 කට ආසන්න පිරිසක් ගැටුමට සම්බන්ධ දෙපිරිසටම පහර දී ඔවුන් පැමිණි වාහන තුනකට ද බරපලතල හානි කර තිබු  බව පොලීසිය කියයි.
 
තුවාල ලැබු තිදෙනෙකු පුත්තලම මුලික රෝහලට ඇතුලත් කර ඇති බවත් ගැටුමට සම්බන්ධ දේශපාලන පක්ෂයක ආධාරකරුවකු පුත්තලම මුලස්ථාන පොලිසිය මගින් අත් අඩංගුවට ගෙන තිබුණි.