(නිමන්ති රණසිංහ)
 
හිටපු පාර්ලිමේන්තු මන්ත්‍රී රවුෆ් හකීම් මහතාගේ නිවසේ නිදන කාමරයේ ඇඳ යට තිබූ රුපියල් ලක්ෂ 60ක මුදලක් සොරාගත්තැයි කියන නිවසේ සේවිකාවක සහ සේවකයකු අගෝස්තු 29 දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය අද(05) නියෝග කළාය.
 
එලෙස රක්ෂිත බන්ධනාගාර ගත කරනු ලැබුවේ පූනලුඔය පදිංචි ශාන්ති කුමාරි සහ දිගන පදිංචි වේලායුදන් බාලචන්ද්‍රන්  නමැති සැකකරුවන් ය.
 
කුරුදුවත්ත පොලිසිය මෙම සැකකරුවන්ව අත්අඩංගුවට ගෙන අද අධිකරණයට ඉදිරිපත් කර තිබිණි.