(ක්‍රිෂාන් ජීවක ජයරුක් )

කේරල ගංජා ලග තබා ගැනීම සම්බන්ධයෙන් සැකපිට මාසයකට වැඩි කාලයක් රක්ෂිත බන්ධනාගාර ගත කර සිටි ප්‍රසිද්ධ නළු රයන් වැන් රොයන් මහතා රුපියල් 4000ක දඩයක් ගෙවීමෙන් පසු මුදා හරින ලෙස මාතර ප්‍රධාන මහේස්ත්‍රාත් ඉසුරු නෙත්තිකුමාර මහතා අද (9) නියෝග කලේය.

ඔහු එම චෝදනාවට අධිකරණය හමුවේ වරද පිළිගැනීමෙන් පසු මහේස්ත්‍රාත්වරයා මුදා හැරිණි.

ඊට අමතරව සැකකරු වෙනුවෙන් පෙනී සිටි නීතිඥ සමීර මීකදවත්ත මහතා පොලීසිය විසින් අත්අඩංගුවට ගෙන නඩු භාණ්ඩ වශයෙන් ඇති මෝටර් රථය මුදා හරින ලෙසට ප්‍රධාන මහේස්ත්‍රාත්වරයාගෙන් ඉල්ලීමක් කළේය.

එම මෝටර් රථය රුපියල් ලක්ෂ 50 ක බැදුම්කරයක් මත ලියාපදිංචි අයිතිකරුට මුදා හරින ලෙසට ප්‍රධාන මහේස්ත්‍රාත් ඉසුරු නෙත්තිකුමාර මහතා වැඩිදුරටත් නියම කෙරිණි.