(ජයන්ත සමරකෝන්)

රැඳවියන් සමඟ සමීප සබඳතා පවත්වමින් නීතිවිරෝධී ක්‍රියාවන්හි නිරත වූ බවට චෝදනා ලද බන්ධනාගාර නිලධාරීන් 21දෙනෙකු වහාම ක්‍රියාත්මක වන පරිදි වෙනත් බන්ධනාගාර වෙත ස්ථානමාරු කර යැවීමට බන්ධනාගාර මූලස්ථානය අද(14) පියවර ගත් බව බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසීය.

බූස්ස බන්ධනාගාරයෙන් ජේලර්වරුන් දෙදෙනෙකු ඇතුළු නිලධාරීන් 10දෙනෙකුද, මීගමුව බන්ධනාගාරයෙන් 9 දෙනෙකුද, දුම්බරින් හා වාරියපොළින් දෙදෙනෙක්ද වශයෙන් නිලධාරීන් මාරුකර යවා ඇතැයිද ඒ මහතා කීය.

කාලයක් තිස්සේ එකම බන්ධනාගරයක රැඳී සිටිමින් සිරකරුවන් සමඟ විවිධ සබඳතා පැවැත්වීම පිළිබඳව බුද්ධි අංශ නිලධාරීන් විසින් ලබාදී ඇති තොරතුරු මත මෙම ස්ථාන මාරුවීම් කළ බවද හෙතෙම සඳහන් කළේය.

මෙම ස්ථාන මාරුවීම්වලට ජේලර්වරුන්, සැරයන්වරුන් හා නියාමකවරුන් 21දෙනෙකු ඇතුළත්ය.