IMG-LOGO

රත්නපුර කෝටි තුනේ කොල්ලයට ගුරුවරු දෙදෙනකු ඇතුළු 5ක් සැකපිට

(තරිඳු ජයවර්ධන)

රත්නපුර පැල්මඩුල්ලේ ව්‍යාපාරික ස්ථානයක සේප්පුවක් කඩා රුපියල් කෝටි තුනකට අධික වටිනාකමකින් යුත් මැණික් හා ස්වර්ණාභරන සොරා ගත්තේයැයි සැකපිට ගුරුවරුන් දෙදෙනකු , යුද හමුදාවේ හිටපු සාමාජිකයන් දෙදෙනකු ඇතුළු පස් දෙනකු රුපියල් එක්කෝටි හැත්තෑ හතර ලක්ෂයක මැණික්, ස්වර්ණාභරණ සහ මුදල් සමඟ අත්අඩංගුවට ගත් බව පැල්මඩුල්ල පොලිසිය කියයි.

රත්නපුර කොට්ඨාස භාර පොලිස් අධිකාරී සුදත් මාසිංහ මහතාගේ අධීක්ෂණයෙන් පැල්මඩුල්ල පොලිස් ස්ථානාධිපති පොලිස් පරීක්ෂක සුදත් සේනාරත්න බණ්ඩාර මහතා සහ අපරාධ විමර්ශන අංශයේ කණ්ඩායමක් එක්ව විමර්ශන පවත්වා සැකකරුවන් අත්අඩංගුවට ගෙන තිබේ.  

අත්අඩංගුවට ගත් භාණ්ඩ අතර සේප්පුවේ තිබී සොරා ගත් බව කියන රුපියල් එක්කෝටි විසි ලක්ෂ අසූ පන්දහසක් වටිනා මැණික් ගල් 604ක්, රුපියල් ලක්ෂ 49ක් පමණ වටිනා රත්තරන් පවුම් 50ක් සහ රුපියල් ලක්ෂ හතරක මුදලක් ද තිබෙන බව පොලිසිය පවසයි.

තම සේප්පුවෙන් රුපියල් කෝටි තුනකට අධික මැණික්, ස්වර්ණාභරණ සහ මුදල් සොරාගෙන ඇතැයි කියමින් පැල්මඩුල්ල පොලිසියට පැමිණිල්ල ලැබී ඇත්තේ පසුගිය 28 වැනි දා උදෑසන 10.30ට බවත්, ඒ අනුව පොලිස් ස්ථානීය පරීක්ෂණ නිලධාරීන් හා පොලිස් නිල සුනඛයන් යොදවා පරීක්ෂණ සිදු කළ බවත් පොලිසිය කියයි.

පොලිස් නිල සුනඛයා එම සේප්පුව සහ යතුර ඉව කර එම ස්ථානයේම එහා මෙයා ගියත් සාප්පුවෙන් පිටතට නොගිය බව ද, එහි සීසීටීවී කැමරා සවි කර තිබුණත් ඒවායේ මෙම සොරකම පටිගත වී නොතිබුණ බව ද පොලිසිය පවසයි. ඒ අනුව මුලින් නිවැසියන් ගැන සැකයක් පැමිණිය ද මෙම ව්‍යාපාරය රක්ෂණය කර නැති නිසා ඔවුන් මෙවැනි දෙයක් සිදු නොකරනු ඇතැයි උපකල්පනය මත මෙහි විමර්ශන තවත් පැතිකඩ ඔස්සේ කරගෙන ගිය බව  පොලිසිය සඳහන් කරයි.

ඒ අනුව පොලිස් නිලධාරීන් උපාය දූතයන් සහ තොරතුරුකරුවන් යොදවා විමර්ශන සිදු කළ බවත්, මැණික් වෙන්දේසියේදී මීට දින දෙකකට පමණ පෙර විකිණූ මැණිකක් ගැන ඇතිවූ සැකයක් මත විමර්ශන සිදු කරද්දී සැකකරුවන් අනාවරණය කර ගැනීමට හැකිවූ බවත් පොලිසිය කියයි.

අත්අඩංගුවට ගත් සැකකරුවන් පස් දෙනා අතර ගණිත ගුරුවරයකු සහ දෙමළ භාෂාව උගන්වන ගුරුවරයකුත්, යුද හමුදාවේ සේවය කළ බව කියන දෙදෙනකුත් සිටින බව පොලිසිය පවසයි. සැකකරුවෝ බලංගොඩ, කිරිඳිවැල, ලුණුගම්වෙහෙර සහ හොරණ ප්‍රදේශයේ පදිංචිකරුවෝය. මෙම අපරාධය සඳහා යොදා ගත් බව කියන ත්‍රීරෝද රිය සහ යතුරු පැදියද පොලිස් බාරයට ගත් බව පොලිසිය සඳහන් කරයි.

රත්නපුර කොට්ඨාස භාර පොලිස් අධිකාරී සුදත් මාසිංහ මහතාගේ උපදෙස් පරිදි පැල්මඩුල්ල පොලිස් ස්ථානාධීපති පොලිස් පරීක්ෂක සුදත් සෙනරත් බණ්ඩාර මහතා සහ එහි අපරාධ අංශයේ ස්ථානාධිපති ඇතුළු නිලධාරීහු වැඩිදුර විමර්ශන සිදු කරති.



අදහස් (2)

රත්නපුර කෝටි තුනේ කොල්ලයට ගුරුවරු දෙදෙනකු ඇතුළු 5ක් සැකපිට

Mahee Tuesday, 06 August 2019 08:30 PM

මට පේන්නෙ මහා බැංකුවේ වැඩේ පරද්දන්න හිතාගෙන ලංකාවේ ඉන්න කට්ටිය ලොකු තරඟයක් දෙනවා වගෙයි. එක තැනක් කෝටි පහළොවයි, මෙතන තුනයි. මදි මදි තව දියුණු වෙන්න ඕන.

:       0       1

athura Wednesday, 07 August 2019 04:18 AM

රණවිරුවොයි ගුරුවරුයි එකට දීල තියෙන්නෙ.හැබැයි හිරේ දාන්න නම් එපා ඒ පාර කියයි මේ ආණ්ඩුව ගුරුවරුත් හිරේ දානවා කියල.

:       0       4

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 377 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 938 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1322 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site