IMG-LOGO

රත්ගමදී පැහැරගත් අයගේ ඥාතීන්ගෙනුත් කප්පම් ගන්න හදලා

(ඩී.ජි.සුගතපාල)

රත්ගම පැහැරගත් දෙදෙනාගේ පවුල්වලින් කප්පම් ලබා ගැනීමට උත්සාහ කළ පුද්ගලයින් අත්අඩංගුවට ගැනීම සඳහා පරීක්ෂණ ආරම්භ කර ඇතැයි  ගාල්ල කොට්ඨාස අපරාධ විමර්ශණ අංශය පවසයි.

පොලිසිය පවසන්නේ පසුගිය 22වන දින රත්ගම පොලිසියට දුරකතනයෙන් කතාකළ පුද්ගලයෙකු තමා නියෝජ්‍ය පොලිස්පති කාර්යාලයේ ප්‍රධාන පොලිස් පරික්ෂකවරයෙකු බව පවසා පැහැරගෙන යන ලද පුද්ගලයින් දෙදෙනාගේ ඥාතීන්ගේ දුරකතන අංක ලබා දෙන ලෙසත් තමාගේ මෙම දුරකතන අංකය ඔවුනට ලබාදෙන ලෙසත් පවසා ඇත.

ඒ අනුව පොලිසිය අතුරුදහන්ව සිටින රසික චින්තක යන අයගේ නිවසට ගොස් ඔහුගේ බිරිඳවන දිපිකා ප්‍රියංගා යන අයට එම දුරකතන අංකය ලබාදී තිබේ.

පසුව ඇයගේ දුරකතනයට කතාකළ පුද්ගලයෙකු තමා අපරාධ පරීක්ෂණ දෙපාර්තමේන්තුවේ ප්‍රධාන පොලිස් පරීක්ෂක දසනායක බවත් නිශාන්ත නමැති පොලිස් පරීක්ෂකවරයා අතුරුදන් වූ පුද්ගලයන් දෙදෙනා පැහැරගෙන ඇවිත් විශාල මුදලක් ලබාගෙන වෙනත් අයෙකුට බාරදුන් බවත් දැනට එම දෙදෙනා මන්නාරමේ සිටින බවත් පවසා ඇත.

අතුරුදන් වූ පුද්ගලයන් දෙදෙනා පහරදිම නිසා තුවාල ලබා සිටින බවත් දූපතක රඳවා සිටින බවත් ඩෝරා යාත්‍රාවකින් යායුතු බවත් පවසා ඇත.එනිසා ඔවුන් බේරා ගැනීමට තමාට හැකි බවත් ඒ සඳහා යම් මුදලක් වැය වන බවත් ඊෂි කෑෂ් ක්‍රමයට රුපියල් ලක්ෂ දෙකක් එවන ලෙසත් පවසා ඇත.

මේ අතර එම පුද්ගලයා මේ ගැන රත්ගම ඥාතින්ට  සැකයක් ඇති නොවන ආකාරයට කටයුතු කිරීම සඳහා  මන්නාරම පොලිසියට කතාකර තමා ප්‍රධාන පොලිස් පරීක්ෂක දසනායක බවත් තමාගේ දුරකතනයේ මුදල් අවසන්වී ඇති නිසා තමාගේ අංකයට ඇමතුමක් ගන්නා ලෙසට දන්වන ලෙස රත්ගම කාන්තාවගේ දුරකතන අංකය ලබා දී ඇත.

ඒ අනුව එම අංකයට කතාකළ විට ඔහු පවසා ඇත්තේ ඉක්මනින්ම දිනයක කතාකරන ලෙසත් ප්‍රමාද වුනොත් කුමක් සිදුවේදැයි නොදන්නා බවත් ඔහු පවසා ඇත.

පහර ගැනීමට ලක්වූ අසේල යන අයගේ මවගේ දුරකතනයට කතා කළ පුද්ගලයෙකුද පැහැර ගන්නා ලද දෙදෙනා ජිවතුන් අතර සිටින බවත් ඔවුන් බේරා දීම සඳහා රුපියල් ලක්ෂපහක් අවශ්‍ය බවත් පවසා ඇත.

මෙම කප්පම් ගැනීමට උත්සාහ කිරිමේ සිද්ධය සම්බන්ධයෙන් පරීක්ෂණ  පවත්වන පොලිසිය අද (24) දහවල් වනවිට කප්පම්කරුගේ ඇමතුම ලබාගත්  රත්ගම පොලිසියේ කොස්තාපල්වරියගෙන්ද එම පණිවුඩය පැහැරගැනීමට ලක්වූ අයගේ නිවෙස්වලට ගෙනගොස් දුන් පොලිස් නිලධාරින් දෙදෙනාගෙන්ද ඔවුන්ගේ ඥාතින්ගෙන්ද ප්‍රකාශ සටහන් කර ගැනීම ආරම්භ කර තිබිණි.

එම ජංගම දුරකතන  පිළිබඳ අදාල දුරකතන සමාගම්වලින් දුරකතන වාර්තා ලබා ගැනීම සඳහා හෙට (25)  දිනයේ ගාල්ල මහේස්ත්‍රාත් අධිකරණයෙන් නියෝගයක් ලබා ගැනීමට නියමිතය.



අදහස් (2)

රත්ගමදී පැහැරගත් අයගේ ඥාතීන්ගෙනුත් කප්පම් ගන්න හදලා

anura Sunday, 24 February 2019 03:37 PM

වග කිවයුතු අය කියන්නේ මෙම දුරකථන ඇමතුම බන්ධනාගාර ගත පුද්ගලයෙකු විසින් දී ඇති බවයි. මේ අනුව හෙලිවන්නේ මේ ලෝකයේ ඇති සුපිරිම බන්ධනාගාරය ඇත්තේ ලංකාවේ බවයි. මේක හරිම කණගාටුවට කරුණක්. සාමාන්‍ය ජනතාවට දැන් කාගේ පිහිටක් දැයි සිතා බලන්න වෙනවා දැන්...

:       0       111

Sam Monday, 25 February 2019 06:26 AM

නොමග යවන යටි කූට්ටු කෝල්, පව් අර මිනිස්සු.

:       0       6

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 259 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 784 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1204 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site