(බිමල් ශ්‍යාමන් ජයසිංහ )

ඕස්ට්‍රේලියාවේ රැකියා ලබාදෙන බව පවසා පුද්ගලයන් රැසකගෙන් මුදල් වංචා කිරීමේ යෙදුණු සංවිධානාත්මක කල්ලියක් මෙහෙය වූ පුද්ගලයෙක් ඇතුළු තිදෙනෙක්  ගුවන් ගමන් බලපත්‍ර 98 ක් සමග  බණ්ඩාරගම බොල්ගොඩ  ප්‍රදේශයේ  හෝටලයක දී  අද(8) අත්අඩංගුවට ගත් බව  බණ්ඩාරගම  පොලිසිය කියයි 

එම පුද්ගලයන් පැමිණි බව කියන  සුඛෝපභෝගී මෝටර් රථ දෙකක්ද දෙකක් හා රුපියල් ලක්ෂ දෙකකට අධික මුදලක් ද පොලිස් බාරයට ගෙන ඇත  .

ඕස්ට්‍රේලියාවේ  රැකියා ලබාදෙන බව පවසා බොල්ගොඩ ප්‍රදේශයේ හෝටලයක සම්මුඛ පරීක්ෂණයක් පැවැත්වෙන බවට  බණ්ඩාරගම  පොලිසියේ ස්ථානාධිපති ප්‍රධාන පොලිස් පරීක්ෂක ලසන්ත  බුද්ධික මහතා ට ලද තොරතුරක් අනුව වැටලීම කළ බව පොලිසිය කියයි

ඕස්ට්‍රේලියාවේ සමාගම් කීපයක   සහ ඇපල් වතු හිමි කරුවෙක් බවට  හඟවා දුර බැහැර වන ප්‍රදේශවල තරුණයන් රවටා මෙම මහා පරිමාණ ජාවාරම  කලක සිට කරගෙන ගොස් ඇති බව මෙතෙක්  සිදුකළ විමර්ශන වල දී  හෙලි වු බව පොලිස් නිලධාරියකු පැවැසීය 

 මූලික ගෙවීමක් ලෙස රුපියල් 20000 සිට ඉහළ මුදල් ප්‍රමාණයන්  සම්මුඛ පරීක්ෂණය පැවැත්වෙන අතරවාරයේදී  ඒ සඳහා පැමිණෙන පුද්ගලයන්ගෙන්   ලබාගෙන ඇති බව  පොලිසිය කියයි .

ප්‍රධාන සැකකරු දින කීපයක් මෙම හෝටලයට විවිධ පළාත්වලින්  තරුණයන් ගෙන්වාගෙන   සම්මුඛ පරීක්ෂණ කරන මුවාවෙන් මුදල් වංචා කර ඇති බව  පොලිසිය කියයි

ප්‍රධාන සැකකරු ලිපිනයන් තුනකින් පෙනී සිටින අයෙකු බවත් ,අනෙක් පුද්ගලයන් මිල්ලනිය පදිංචිකරුවෙක් බවත් සැකකාර තරුණිය හොරණ ගුරුගොඩ ප්‍රදේශයේ පදිංචිකාරියක් බවත් පොලිසිය කියයි

කූට ජාවාරම් කරුගේ වංචාවට හසු වූ අය වෙතොත් ළඟම ඇති පොලිසියට බණ්ඩාරගම  පොලිසියට පැමිණිලි කරන පොලිසිය කියයි 

අත්අඩංගුවට ගත් සැකකරුවන් දෙදෙනා සහ සැකකාරිය පානදුර මහේස්ත්‍රාත් අධිකරණය වෙත ඉදිරිපත් කිරීමට නියමිතය