IMG-LOGO

රට අරාජික කිරීමට කිසිවෙකුටත් ඉඩදෙන්නේ නෑ

(ඉන්දිකා රාමනායක)

නිරායුද අහිංසක ජනතාවට බලය පෙන්වා රට අරාජික කිරීමට කිසිවෙකුටත් ඉඩනොදෙන බවත් රට අරාජික කරමින් මේ ආකාරයේ සිදුකරන අන්තවාදී කි‍්‍රයා වහාම නැවැත්විය යුතු බව වැඩබලන ජ්‍යෙෂ්ඨ නියෝජ්‍ය පොලිස්පති සී.ඞී වික‍්‍රමරත්න මහතා පැවසීය.

පොලිසිය ඉවසීමෙන් කටයුතු කිරීම පොලිසියේ දුර්වල කමක් සේ නොසිතන ලෙසත් එය  එම අන්තවාදී කණ්ඩායම් වලට සිදුව ඇති විශාල වරදක් බවද වැඩබලන පොලිස්පතිවරය සඳහන් කළේය.

වැඩබලන නියෝජ්‍ය පොලිස්පතිවරයා මේ බව සඳහන්  කළේ  රටේ උද්ගත වී ඇති  තත්ත්වය හමුවේ මාධ්‍ය වෙත විශේෂ ප‍්‍රකාශයක් කරමිනි.

බීමත්ව සිටි සුළු පිරිසක් කුලියාපිටිය හෙට්ටිපොළ ප‍්‍රදේශයේ  වෙළෙඳ සැල් කිහිපයකට පහර දී තිබූ බවත් එය පාලනය කිරීමට පොලිස් ඇඳිරි නීතිය පැනවීමට සිදුවූ බව වැඩබලන පොලිස්පතිවරයා කියා සිටියේය.

එවැනි  කි‍්‍රයා නතර වේවි යැයි සිතා සිටියද කුලියාපිටිය ප‍්‍රදේශයේ එවැනි කි‍්‍රයා කිහිපයක් වාර්තා වූ බවත් මේ තත්වය පාලනය කිරීම සඳහා ආරක්ෂක පියවරක් වශයෙන් මුළු  දිවයිනටම පොලිස් ඇඳිරි නීතිය පැනවීමට සිදු වූ  බවද  සඳහන් කළේය.

මෙම සිදුවීම් වලදී පොලිසිය ඉතා ඉවසීමෙන් කටයුතු කළ බවත්  ඉතා සුළු අන්තවාදීන් පිරිසක් මේ ආකාරයේ හැසිරෙන බවට තොරතුරු හෙළි වූ බවද වැඩබලන පොලිස්පතිවරයා කියා සිටියේය.

වසර 30 පුරා පැවති ලෝකයේ  දරුණුම ත‍්‍රස්වාදය විනාශ කිරීමට විශාල කාර්ය බාරයක් පොලිසිය සිදුකළ බවත්  එවන් පොලිසියකට මේ සුළු අන්තවාදීන් පිරිස අංශූ මාත‍්‍රයක් පමණක් බවත් වික‍්‍රමරත්න මහතා  සඳහන් කළේය.

2019 අපේ‍්‍රල් 21 දින ප‍්‍රහාරයෙන් පසුව මේ දක්වා සිදුකරන විමර්ශන සඳහා සහ ජාතික ආරක්ෂාව තහවුරු කිරීම බහුතරයක් ජනතාව සහය වුයේ ජාති ආගම් භේද වලින් තොරව බවත් ඒ සඳහා අංශූ මාත‍්‍රයකින් හෝ සහය නොදැක් වූ ඉතා සුළු අන්තවාදීන් පිරිසක්  ජනතාවගේ ජීවිත සමඟ සෙල්ලම් කරන බවත් හෙතෙම කියා සිටියේය.

මේ කී‍්‍රඩාව වහාම නතර කර යුතු බවද ඒ මහතා කීය.

මෙලෙස අන්තවාදී ලෙස කටයුතු  කරන පුද්ගලයන්ගේ  ඥාතීන්ට හා හිතවතුන්ට මේ අවස්ථාවේ කියා සිටින්නේ  තමන්ගේ ඥාතියාට හෝ හිතවතාට මෙම තත්ත්වය පිළිබඳ දැනුම් දෙන ලෙසත්  එසේ නොවුන හොත් නීතිමය බලය යනු කුමක් ද යන්න මේ සුළු පිරිසට පෙන්වීමට ශි‍්‍ර ලංකා පොලිසියට සිදුවන බවත් වැඩබලන පොලිස්පති වික‍්‍රමරත්න මහතා කියා සිටියේය.

මෙම සිද්ධී සම්බන්ධයෙන් අත්අඩංගුවට ගන්නා පුද්ගලයන්ට ඇප හිමි නොවන බවත් වසර 10  ක කාලයක් සිරදඩුවම් විදීමට  සිදු වන බවත් වැඩබලන පොලිසපතිවරය කියා සිටියේය.

එම නිසා මෙම සිදුකරන අන්තවාදී කි‍්‍රයා වහාම නතර කරන ලෙසට වැඩබලන පොලිස්පතිවරයා වශයෙන්  තමා ඉල්ලා සිටින බවද හෙතෙම වැඩිදුරටත් පැවසීය.



අදහස් (21)

රට අරාජික කිරීමට කිසිවෙකුටත් ඉඩදෙන්නේ නෑ

Laksitha paris Monday, 13 May 2019 05:41 PM

නියමයි

:       0       249

ගම මංගලTuesday, 14 May 2019 08:12 AM

රට අරාජික කරන්න නං ජනාධිපතියි අගමැතියි 225කකුයි ඉන්නෙ. ඒ් මදෑ.

:       1       115

isurandi Monday, 13 May 2019 06:01 PM

මේ අවස්ථාවේදී ඔලුවෙන් වැඩකලයුතු විනා ආවේගශීලිව වැඩ කිරීමෙන් වෙන්නේ අපි විසින් අපිටම වල කපාගැනිමක් නොවේද?

:       0       184

athula Monday, 13 May 2019 06:37 PM

මෙහෙම රටේ දේපොළ ගිනිතබා පලිගන්න එක වහාම නතර කල යුතුයි. එහෙත් අන්තවාදීන්ට නීතියෙන් පැනලා යන්න දෙන එක එතරම් සුබ නැහැ. එවිට ජනතාවට ආණ්ඩුව හෝ පොලිසිය කෙරෙහි අවිස්වාසයේ ප්‍රතිපලය අතිශය බරපතල ව්‍යසනයක් වේවි .

:       0       285

don perera Monday, 13 May 2019 07:54 PM

නම දෙනා එලියට ගිය දවසේ සිට ජනතාවගේ විස්වාසයක් නැත..

:       16       837

Chanak los angeles Monday, 13 May 2019 08:19 PM

පුපුරන ද්‍රව්‍ය නිෂ්පාදනයට සහය වී ඇති හමුදාව විසින් අත්අඩංගුවට ගත් තඹ කර්මාන්ත ශාලාවේ සැකකරුවන්ට ඇප නියමවෙන්න ක්‍රියාකරපු පොලිසිය කියනවා අපරාධ කරන පුද්ගලයන්ට ඇප ලබාදෙන්නේ නැහැ කියා.

:       127       1642

samTuesday, 14 May 2019 01:15 AM

මෙච්චර කාලෙකට මම කවදාවත් චානක් සමග මේ ෆෝරම් එකේදී එකඟවෙලා නැහැ. හැබැයි අද නම් 100%ක් එකඟයි. අපි පොලිසියට ගරු කරනවා. නමුත් තමුන්ගේ පැත්තෙන්ම මේ ව්‍යවසනය දුරදිග යන්න වැඩේ වුණා නේද කියලා හිතන්න ඕනෑ මේ විදිහට කතාකරන කොට... අනික දැන් මේ පෙනෙන විදිහට බෝම්බ කාපු මිනිස්සුන්ටමද අන්තවාදීන් කියන්නේ...? අනේ මන්දා...

:       0       0

athuraTuesday, 14 May 2019 04:27 AM

ඒකයි, මේකයි දෙකක් මහත්මයා. මේ වෙලාවේ අතේ, පයේ හයියට වැඩිය මොලේ හයියයි වැදගත්...

:       0       0

ලාල් Tuesday, 14 May 2019 12:55 AM

රට අරාජික කරන්නේ වෙන කිසිවෙකු නොවේ දේශපාලකයෝ...

:       0       0

සුනිල් Tuesday, 14 May 2019 01:11 AM

පොලිසිය ගැන මිනිස්සු විශ්වාසය නොතබති.

:       0       0

Kamala Perera Tuesday, 14 May 2019 02:46 AM

දැන්ම අරාජිත වෙලා ඉවරයි.

:       0       0

Nshantha Tuesday, 14 May 2019 03:11 AM

ඉතාම පැහැදිලි කෙළින් ප්‍රකාශයක්...

:       0       0

Amila Tuesday, 14 May 2019 04:39 AM

නොවිය යුතු දේවල් ඔක්කොම වුණාට පස්සේ දැන් මොනවා කිව්වත් වැඩක් නෑනේ මහත්තයෝ... පිටරට පුවත්වලට අනුව බෝම්බ ගහපු එවුන්ට වඩා අපේ මිනිස්සු නරකයි කියලා තමයි ලියැවෙන්නේ. ඔවුන්ට ඕන වුනෙත් ඒකම වෙන්න ඇති කරගන්න. අනික පොලිස්පතිවරයා සහ ලේකම් මාරුකරත් වෙනසක් වෙලා නෑනේ. ප්‍රශ්නේ තියෙන්නේ වෙන කෙනෙක්ගේ...

:       0       0

සේන Tuesday, 14 May 2019 05:27 AM

රට අරාජික නිසා තමයි උන් අර තරම් මිනිස් සංහාරයක් කළේ. ත්‍රස්තවාදීන් නැති කරන්න හරි වැඩපිලිවෙලක් යනව නම් මිනිසුන් නිහඬව ඉඳීවි. රටට ආදරේ ජනතාව මේ තමයි මෛත්‍රී සිතින්ම සිටිය යුතු අවස්ථාව .

:       0       74

Kumar Tuesday, 14 May 2019 05:30 AM

එහෙනම් අර ඇමති අත්අඩංගුවට ගන්න ...........

:       0       72

PERAKUMTuesday, 14 May 2019 08:33 AM

මොනවද මේ කියන්නේ..? එතකොට අපේ ඡන්ද ගොඩට මොකද වෙන්නේ? ඒ කට්ටිය විපක්ෂයට ගියොත් අපි අනාථයිනේ...

:       0       0

perera Tuesday, 14 May 2019 05:42 AM

දනිස්සට නොව ඔලුවට ඉලක්කය ගන්න. මේ පිටුපස සුදු රෙදි ඇදගත්තු හොරැ ඉන්නවා. උන්ව හදුනාගන්න මිනිසුනේ.....

:       0       52

ඊටී Tuesday, 14 May 2019 06:28 AM

කට වහගෙන තඹ කර්මාන්ත ශාලාවේ සේවකයන් මුදාහල සියළු දෙනාගේ වැඩ තහනම් කරන්න. කයිවාරුව තියලා තමාගේ වගකීම ඉටු කරන්න...

:       0       0

සේනාරත්න Tuesday, 14 May 2019 06:38 AM

අන්තවාදීන් වැඩෙන්නට දෙනවානමි එහි වගකීම සමස්ත සමාජයට... සිංහල, දෙමල, මුස්ලිම් කිසිම ජනවර්ගයකට අයත් අන්තවාදීන් පිටුදකිමින් කටයුතු කරමු. හමුදාව පොලිය ශක්තිමත් කරමු. සාමය අගයන නීති ගරුක සැමගෙ සහය ඔවුන් ට ලබාදෙමු... පවතින ආණ්ඩුව කවූද කියන එකට වඩා රටෙහි අවාසනාවන්ත ලේ වැගිරීම් පාලනයට කාගෙත් කැපවීම අවශ්‍යයි... නීතිය අතට ගෙන කටයුතු කිරිම රටට විනාශය මිස යහපතක්වේ යැයි සිතීම විහිලුවක්. මෙි වෙලාවෙ රටෙි දේශපාලන නායකයො සහ මාධ්‍ය ආයතන වඩාත් වගකීමෙන් සමාජය මෙහයවනවානමි විනාශය වලකාලීමට වැදගත්. එහෙම නැතිව බලය වෙනුවෙන් මෙම සියලුම ආකාර අවස්ථාවාදී අන්තවාදීන්ට සෘජුව හෝ වක්‍රව ලබාදෙන අනුග්‍රහය අනාගතයේදී ඔබවෙත භුමරංගයක් ලෙස හැරී ඉන්ම විනාශ විමට සිදුවනු ඇත.

:       25       33

vipula Tuesday, 14 May 2019 07:19 AM

රට අරාජික කරන්න නීතිඥයන් කටයුතු කර ඇත.

:       0       0

Hera Tuesday, 14 May 2019 09:29 AM

වැඩබලන පොලිස්පති ඇඳුමක් ඇඳගෙනද මේවා කියන්නේ? පුපුරන ද්‍රව්‍ය නිෂ්පාදනයට සහය වී ඇති හමුදාව විසින් අත්අඩංගුවට ගත් තඹ කර්මාන්ත ශාලාවේ සැකකරුවන්ට ඇප නියමවෙන්න වැල්ලම්පිටිය පොලිසිය වැඩකළා. කර්මාන්ත ශාලාව සීල් කරලා කිව්වට යස අගේට ඇතුලේ තිබුණු බඩු ටික එළියට අරගෙන ගියා. මේ ගැන ප්‍රදේශවාසීන්ගෙන් පැමිණිලි ආවත් මුකුත් ඇක්ෂන් එකක් පොලිසිය ගත්තේ නෑ. මහජනතාවට නීතිය අතට අරගන්න සලසලා අන්තවාදීන්ට රට අවුලුවන්ට උදව් කලේ පැහැදිලිවම පොලිසිය... හමුදාවේ කොල්ලෝ ගැන මිසක් පොලිසිය ගැන අද කිසිම විශ්වාසයක් නෑ... පොලිසියේ නිවටකම ගැන මීට වඩා සාක්ෂි ඕනේ නෑ... ත්‍රස්තවාදීන් ඇප දීලා ගෙදර යවලා හන්දියේ චණ්ඩින්ට ඇපදෙන්නේ නෑ කියලා බොරු ටෝක් දෙන්න එපා... කොන්ද පණ තියනවා නම් මුස්ලිම් අන්තවාදය වපුරපු දේශපාලනඥයින් අත්අඩංගුවට ගන්න. නැත්තන් මිනිස්සු කියයි දැන් ඉන්න එකාට වඩා හිටපු එකා දාහකින් හොඳයි කියලා...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1176 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site