(ප්‍රසන්න පත්මසිරි)

යාල රක්ෂිත වනයේ ගෝනගංආර ප්‍රදේශයේ මහා පරිමාණයෙන් පවත්වාගෙන ගිය ගංජා හේන් 5 ක් වටලා රුපියල් කෝටි 5 ක් පමණ  වටිනා ගංජා ගස් ලක්ෂ එකහමාරකට වැඩි ප්‍රමාණයක් සමඟ සැකකරුවන් තිදෙනෙකු අත් අඩංගුවට ගත් බව පොලිසිය කියයි.
 
රක්ෂිත වනය මැද වගා කර තිබුණ ගංජා හේන් පහකින් අඩි 8,7,3 ප්‍රමාණයේ උසට  සරුවට වැඩී තිබුණ ගංජා ගස් ලක්ෂ එකහමාරකට වැඩි ප්‍රමාණයක් ගලවා විනාශ කිරීමට කටයුතු කළ බව පොලිසිය කියයි.
 
කාලයක් තිස්සේ රක්ෂිත වනයේ ගංජා වගාවන් සිදුවන බවට පොලිසියට ලැබුණ තොරතුරක් මත පොලිස් කණ්ඩායම් කිහිපයක් වනයේ වැටලීමක් සිදුකර ගංජා හේන් සොයාගෙන තිබේ.

අත් අඩංගුවට ගත් සෙල්ලකතරගම පදිංචි බව කියන වයස අවුරුදු 40 සහ 48 වියෙහි පසුවන සැකකරුවන් තිදෙනා අධිකරණයට ඉදිරිපත් කිරීමට නියමිතය.