(වන්නි රොමේෂ් මධුෂංඛ)

යාපනය පොලිස් ස්ථානයේ පොලිස් නිලධාරීන් 11 දෙනකුට කොරෝනා වයිරසය ආසාදනය වී ඇතැයි උතුරු පළාත් සෞඛ්‍ය අධ්‍යක්ෂක ඒ.කේදීස්වරන් මහතා පවසයි.

යාපනය පොලිසියේ සේවයේ නිරත නිලධාරීන් 09 දෙනකුට කොරෝනා ආසාදනය වී ඇති බවට අප්‍රේල් මාසයේ පසුගිය 12 වනදා සිට 20 වැනි දා අතර කාලයේ  වාර්තා වීමත් සමග එම නිලධාරීන්ගේ සමීපතයන් පී.සී.ආර්. පරික්ෂණයට යොමු කරන ලදි.

මේ අනුව අදාල පී.සී.ආර්. පරික්ෂණ වාර්තා ඊයේ (21) රාත්‍රියේ ලැබී තිබූ අතර එහිදී තවත් පොලිස් නිලධාරීන් 11 දෙනකුට කොරෝනා වෛරසය ආසාදනය වී ඇති බවට තහවුරු වී තිබේ.

වයිරසය ආසාදිත පොලිස් නිලධාරීන් සමීපව ඇසුරු කළ සෙසු පොලිස් නිලධාරීන්ද මේ වන විට නිරෝධායන යොමු කිරීමට පියවර ගෙන ඇතැයි යාපනය මහජන සෞඛ්‍ය පරික්ෂක කාර්යාලය වැඩිදුරටත් කියයි