(හිරාන් ප්‍රියංකර ජයසිංහ සහ රොවන් පෙරේරා)

පුත්තලම අනුරාධපුර මාර්ගයේ සිරම්බිඅඩිය ප්‍රදේශයේ යතුරුපැදියකින් ගමන් කරමින් සිටි යුවළක් මතට ගසක් කඩා වැටීමෙන් තුවාල ලැබ පුත්තලම මුලික රෝහලට ඇතුළත් කළ බව පුත්තලම පොලිසිය කියයි.

මහ වැසි මැද අනතුරට පත් යුවළ පුත්තලම නගරයට ගමන් කරමින් සිටියදී මෙසේ අනතුරට ලක්වි තිබිණි.

සිරම්බිඅඩිය ප්‍රදේශයේ පුත්තලම අනුරාධපුර මාර්ගය වසා දමමින් එකවර වැටී තිබු මෙම දැවැන්ත ගසෙහි කොටසක් දිරා තිබූ බවද කියයි.

කෙසේ නමුත් පුත්තලම ආපදා කළමනාකරණ ඒකකය මැදිහත්ව යුද හමුදාව හා පුත්තලම මාර්ග සංවර්ධන අධිකාරියේ සේවකයින් යොදවා ගස කඩිනමින් ඉවත් කර වාහන ධාවනයට ඉඩ සලසා දී තිබිණි.