බිමල් ශ්‍යාමන් ජයසිංහ සහ කවිතා සුබසිංහ

මහර බන්ධනාගාරයේ රැඳවියන් පිරිසක් ලණු සහ ඇඳ රෙදි ආධාරයෙන් බන්ධනාගාර තාප්පයෙන් පළායාමට කළ උත්සාහයකදී තාප්පයෙන් වැටුණු එක් රැඳවියෙකු මියගොස් අද (3) ඇතැයි පොලිස් මාධ්‍ය ප්‍රකාශක කාර්යාලය පවසයි.

තාප්පයෙන් වැටීමෙන් බරතතළ තුවාල ලැබූ මෙම රැඳවියා ප්‍රතිකාර සඳහා රාගම රෝහලට ඇතුළත් කිරීමෙන් පසු මියගොස් ඇති බවද, එසේ මියගොස් ඇත්තේ 38 හැවිරිදි පුද්ගලයෙකු බවද මාධ්‍ය ප්‍රකාශක කාර්යාලය වැඩිදුරටත් පවසා සිටී.

තවද, රැඳවියන් පළායාමට කළ උත්සාහය වැළැක්වීම සඳහා බන්ධනාගාර ආරක්ෂක අංශ නිලධාරීන් විසින් ඉහළට වෙඩි තැබීමක් සිදුකර ඇතැයිද, රැඳවියන් සමඟ ආරක්ෂක අංශ නිලධාරීන්ගේ පොරබැඳීමක්ද සිදුව ඇතැයිද මාධ්‍ය ප්‍රකාශක කාර්යාල ආරංචි මාර්ග පවසයි.

එම පොරබැඳීමේදී බන්ධනාගාර නිලධාරීන් දෙදෙනෙකුද තුවාල ලබා රාගම ‍රෝහලට ඇතුළත් කර ඇති බවද පවසයි.