(ඉන්දිකා රාමනායක)

අමාත්‍ය රවුෆ් හකීම් මහතා ජාතික කවුහිත් ජමාද් සංවිධානයේ නායකයාව සිටි සහරාන් හෂීම් සමඟ 2015 පැවැත්වූ බව කියන සාකච්ඡාවක් සම්බන්ධයෙන් පොලිස් මූලස්ථානයට පැමිණිල්ලක් කළ මුස්ලිම් අයිතීන් සුරැකීමේ සංවිධානයේ සභාපති මොහොමඩ් මිෆ්ලාල් මවුලවිවරයාගෙන්  පොලිසිය අද (25) පැය 4 ට අධික කාලයක් ප‍්‍රකාශ සටහන් කරගෙන ඇත.

අපරාධයක වින්දිතයන්ගේ හා සාක්ෂිකරුවන්ගේ සහායක සහ ආරක්ෂක කොට්ඨාශය විසින්  මෙම  ප‍්‍රකාශය සටහන් කරගෙන තිබුණි.

පොලිසිය කළ දැනුම් දීමක් මත මවුලවීවරයා අද පෙරවරු10.00 ට එහි පෙනී සිට ඇති අතර මෙම ප‍්‍රශ්න කිරීම පස්වරු 2.00 දක්වා පැවැත්විණි.

සහරාන් හෂීම් සහ රවුෆ් හකීම් අමාත්‍යවරයා අතර 2015 මහමැතිවරණ සමයේදී සිදුකර ඇතැයි පැවසෙන සාකච්ඡාවක දර්ශන සහිතව මවුලවීවරයා ඉකුත් (18) දින පොලිස් මූලස්ථානයට පැමිණිල්ලක්  ඉදිරිපත් කර තිබුණි.