(නිමල කොඩිතුවක්කු)


මාර්ග අනතුරු හේතුවෙන් දිනකට පුද්ගලයන් 08 දෙනෙකු පමණ මරණයට පත්වන බවත් 2017 වසරේදි පමණක්  පුද්ගලයන් 3153 දෙනෙකු මේ හේතුවෙන් ජීවිතක්ෂයට පත්ව ඇති බවත් සෞඛ්‍ය, පෝෂණ හා දේශීය වෛද්‍ය අමාත්‍යාංශය සදහන් කරයි.


රිය අනතුරු හේතුවෙන් සිදුවන මරණ සංඛ්‍යාව වසරින් වසර ඉහළ යාම නිසා මාර්ග අනතුරු වළක්වා ගැනීමේ සැළසුම් සහගත වැඩපිළිවළක් ක‍්‍රියාත්මක කළ යුතුව ඇතැයිද එම අමාත්‍යාංශය සදහන් කරයි.


රිය අනතුරු හේතුවෙන් මිය යන සංඛ්‍යාවෙන් වැඩිම පිරිස අවුරුදු 15ත් 44ත් අතර වයසේ පසුවන රටේ සංවර්ධනයට උරදෙන ශ‍්‍රම බලකායේ  සාමාජිකයන් වේ.


මරනයට පත්වන පිරිසට අමතරව තවත් බොහෝ පිරිසක් අබාධිත තත්වයට ලක්වේ.


අධික වේගයෙන් රිය පැදවීම, බීමත්ව රිය පැදවීම, ජංගම දුරකතන භාවිත කරමින් රිය පැදවීම, මාර්ග නීති පිළි නොපැදීම, මෙම රිය අනතුරු වලට මූළිකව බලපා ඇතැයිද සෞඛ්‍ය, පෝෂණ හා දේශීය වෛද්‍ය අමාත්‍යාංශය වැඩිදුරටත් සදහන් කරයි.