( තිළිණි ද සිල්වා )
මත්තල ජාත්යන්තර ගුවන්තොටුපළ සංචාරකයන් සදහා ආකර්ෂණීය ගුවන්තොටුපළක් මෙන්ම භාණ්ඩ ප්රවාහන කේන්ද්රස්ථානයක් ලෙස සංවර්ධනය කිරීමට අපේක්ෂා කරන බව සංචාරක ඇමති ප්රසන්න රණතුංග මහතා පැවසීය.
ඔහු අවධාරණය කරන්නේ ගුවන් තොටුපළ ආශ්රිතව අපනයන සැකසුම් කළාපයක්, ගුවන් යානා නඩත්තු අලුත්වැඩියා සහ පිරිවැඩියා අංගනයක් (MRO) සහ තීරු බදු රහිත සාප්පු සංකීර්ණයක් ඉදි කිරීමට සැලසුම් කර ඇති බවයි.
මත්තල ගුවන් තොටුපළ 2013 වසරේ මාර්තු 18 වන දින සිට විවෘත කළ දින සිට 2020 නොවැම්බර් මස දක්වා ක්රියාත්මක වූ ගුවන් ගමන් වාර ගණන 10,206 ක් ක්රියාත්මක වී ඇති අතර ශ්රී ලංකන් ගුවන් සමාගම ඇතුළු ගුවන් සමාගම් 23 ක් මෙහි ගුවන් මෙහෙයුම් කටයුතු සිදු කර ඇති බවද අමාත්ය ප්රසන්න රණතුංග මහතා කීය.
COMMENTS
එතකොට මේකට මිනිස්සු එන්නේ නැද්ද? තවත් ඕක සුදු අලි කරන්නේ නැතිව තිබ්බා නම් හොඳයිනේ..
ඒකාලේ කිව්වේ කවුරුහරි ඕක උඩින් ගියත් අපට ඩොලර් හම්බ වෙනවා කියල නේද ? මත්තල ගුවන් තොටුපළෙන් ඉපයූ අදායම ගැන එක්කෙනෙක් පාරම් බානවා දැක්කා. ඒ කාලවකවානුව තුල ඔය සුදු අලියට කන්න බොන්න දීල නඩත්තු කරන්න කීයක් වියදම් උනාද කියල කීවේ නම් නැහැ.
වී ගබඩා කරන්න හදපු එකේ ප්ලෑන් බස්සනවද?
අගනගරය හම්බන්තොටට ගෙනයන සැලැස්ම අවුරුදු තුනෙන් ඉවර කරගන්න පුළුවන් වෙයිද? නැත්නම් මේක අයියගේ කාලේදී අවසන් කරන්න හදන සැලැස්මක්ද? චීනට අහුවුණොත් අහුවුණාම තමයි.
ඔය බල්ලොත් නොඑන ගුවන්තොටුපොළ නිසා සිදුවුණේ කැලෑවේ සිටි අලි ඇතුන්ට යන එන මන් නැතිවීම සහ රාජපක්ෂලාට මදි නොකියන්න කොමිස් මුදල් ලැබීම පමණයි. නමුත් මේ පැත්තේ සිටින මිනිස්සුන්ට මේ විනාශය ගැන එදා නොතේරුණාට දැන් දැන් තේරුම් ගනිමින් සිටිති.
කොපමණ ගුණ කළත්.., දුදනෝ නොවෙති යහපත්.