(ජී ඩබ්ලිව් කේ ප්‍රේමතිලක ද සිල්වා)
 
බූස්ස බන්ධනාගාරයේ රඳවා සිටින විශේෂිත ගණයේ රැඳවියන් පිරිසක් ආරම්භ කර තිබූ ආහාර වර්ජනයේ නිරතව සිටි ඉතිරි රැඳවියන් 13 දෙනා ද ආහාර ලබා ගැනීම හේතුවෙන් එම වර්ජනය අවසන් වූ බව බන්ධනාගාර කොමසාරිස් ජෙනරාල් තුෂාර උපුල්දෙණිය මහතා  පැවසීය.
 
මෙම විශේෂිත ගණයේ රැඳවියන් 45 දෙනෙකු ඉකුත් 10 වැනි දින උදෑසන සිට ඉල්ලීම් කිහිපයක් මුල් කරගෙන ආහාර වර්ජනයක නිරත වූ අතර එයින් කිහිපදෙනෙක් ඉකුත් දින කිහිපයේදී ආහාර ගැනීමට යමින් වර්ජනයෙන් ඉවත් වූහ. අද උදෑසන වනවිට වර්ජනයේ යෙදෙමින් සිටියේ13 දෙනෙකු පමණකි. ඔවුන් ද ආහාර ගැනීමට පැමිණීම හේතුවෙන් වර්ජනය අවසන්ව ඇත.
 
මෙම ආහාර වර්ජනය හේතුවෙන් සෞඛ්‍ය තත්වය පිරිහී ගිය ප්‍රබල මත්ද්‍රව්‍ය ජාවාරම් කාරයෙකු වන ‘කංචිපානි ඉම්රාන්’ නැමැත්තා පෙරේදා බූස්ස නාවික හමුදා කදවුර රෝහලට ඇතුලත් කිරීමට බලධාරීන් පියවර ගෙන තිබිණි.