බාලිකා පාසලට කඩාවැදී කළහකාරීව හැසිරුණු සිසුන් 34දෙනෙකු අත්අඩංගුවට

ලොකු දඩයක් ගහන්න ඕනේ මේවා නොකරන්න.

මිශ්‍ර පාසල් තිබ්බා නම් මේ ප්‍රශ්න නැහැනේ

ඔන්න වැඩ. දෙමව්පියන් ගෙන්වා බාරදෙනවා. ගොන් නීතිය..... මේ අයව හිරේ දාන්න ඕන, මුන් තමයි අනාගත කුඩඩො ස්ත්‍රී දුෂකයෝ. ටේ නීතිය හිරගෙදරට යැවුවම මෙහෙම වෙනවා.

කොලු කාලේ ඔහොම තමා.

අනිවාර්යයෙන් දැනෙන දඩයක් හෝ අලාභය අයකරගත යුතුයි. මේවා කොලු වැඩ කියලා අතාරින්න පුළුවන් වැරදි නෙවෙයි. බිග් මැච් කියලා පිස්සෝ වගේ නටන්න දෙන්න හොඳ නැහැ. ඉස්සර බිග් මැච් එකක් තිබුණොත් උපරිම වුනොත් ග්‍රවුන්ඩ් එකේ වලියක් ගිහින් ඉවර වෙනවා. මේක නිකන් පිස්සෝ ටික වගේ පාරවල් හරස් කරගෙන, පාසල් වලට පැනලා, දේපල විනාශ කරලා මොන විකාරයක්ද කරන්නේ? සමහර පාසල් ඉතා ආදර්ශමත් විදියට නාස්ති කරන්න යන සල්ලි වලින් පොඩි පාසලකට පුස්තකාලයක්, පරිගණක කීපයක් ලබා දෙද්දී, බහුතරයක් බිග් මැච්, ඇනුවල් පෙරඩ් කියා කියා දෙමව්පියන්ගේ වාහනත් අරගෙන ඇවිත් නාස්ති වෙනවා.

දෙමව්පියන්ගේ හා මේ රටේ වැඩිහිටියන්ගේ පිස්සුව රටේ බාල පරම්පරාවට නොමැති නම් තමයි අපි පුදුම වෙන්න ඕනෑ... යුද්ධයෙන් පසුව රටට ගිය කලක්?

මේ ළමයින්ගේ පස්සෙන් පන්නගෙන යනවාට කලින් අර පාර්ලිමේන්තුවේ ගුස්තිකාරයෝ ටික අල්ලා ගන්න. කකුළුවා පැටවුනට කෙලින් යන්න කිව්වාලු.

ඔය ඔක්කොම ළමයින්ගේ අනාගත දේශපාලක ලකුණු තිබෙනවා. දැන් සිටම කාන්තා පක්ෂය සිටින තැන නම ලකුණු කරලා යන්න තිබෙන කැමැත්ත පේනවානේ.

ක්‍රිකට් තරඟ පැවැත්වීම හොඳයි. හැබැයි පාසලේ අනිත් ළමයි පාරවල් දිගේ කෑගගහ යායුතුද? ක්‍රිකට් ගහන අය දිරිමත් කිරීමට ඔවුන් සිටිය යුත්තේ ක්‍රීඩාංගණයේ නොවේද? මේ වගේ අවිචාරවත් ක්‍රියාවක් වෙන කිසිම රටක කෙරෙන්නේ නැතුව ඇති... මේ ළමයි හැසිරෙන්නේ ඉතාම අවිනීතව. මේවා නැවැත්විය යුතුයි...

ගැටවර වයසේ නැහැදිච්ච කම නිසා නටන නැටිලි තමයි මේ. ආරයත් බලපානවා. මොවුන්ගේ අම්මා අප්පලා ගැන අහන්න දෙයක් නැහැ...

ඒ කියන්නේ මෙතන පාසල් දරුවන්ට සමාජයෙන් ලැබෙන වැරදි ආදර්ශ අනුමත කරන උදවියත් ඉන්නවා.

එතකොට මේ කාලකන්නි කඩපු රජයේ දේපලවලට වන්දි ගෙවන්නේ දුප්පත් අපේ බදු මුදල් වලින්ද?

මේ අමුතු මුතු ඇටයක් වන් රටේ වෙන්නෙම ලෝකයේ කිසිම දියුණු රටක වෙන්නේ නැති අමුතුම දේවල්ය. බිග් මැච් කියා සති ගණන් පාරවල් වල බීගෙන, දෙමව්පියන්ගේ වාහන අරගෙන රටම වනසති. බිග් මැච් එකේදී ක්‍රීඩාවට වඩා ගුටි කෙලි වලට මුල්තැන දෙති. ඕල්ඩ්බෝයිස් සංවිධාන වලින් යුරෝපයේ දියුණු රටවල නම් කෙරෙන්නේ පාසල් මෑණියට ගෞරවයක් වශයෙන් එය නගා සිටුවීමට හැකි උපකාරයක් සහයෝගිතාවෙන් කිරීමයි නමුත් මේ මුතුඇටේ අය එම සමිතිවල මුලිකත්වය දෙන්නේ පාසල් මෑණිට කළහැකි ලොකුම අගෞරවය වන බේබදුකමටයි. මේවා ඉහලින්ම දැන් කරන්න පුරුදුවෙලා ඉන්නේ බෞද්ධ පාසල් සහ ගොඩේ මහවිද්‍යාල වීම දුකට කරුණක්. කන්ද උඩරට පාසලක ඕ බී යු හැම දැන්වීමකම පැහැදිලිව සඳහන් කරන්නේ ‘තමාගේ මත්පැන් බෝතලය රැගෙන එන’ ලෙසයි. මෙහෙව් රටක් කවදා දියුණු වෙයිද..?

අන්තර් පාසල් ක්‍රිකට් තරග කල වලදී සිදුවන සුලබ නමුත් අශෝබන ක්‍රියාවක්.

ඕකුන් තමයි අනාගත මදූෂලා...

කොල්ලෝ ඔහොම තමයි..

අල්ලපු කුඩු පාසල්වලට බෙදලද?

මේ කරන අසීලාචාර ගොන් වැඩ නවත්වන්න දඬුවම් දිය යුතුයි.

අද විනය, හැදියාව සහ ඉවසීම බල්ලට ගියපු රටක් වෙලා මේක. රටේ පාර්ලිමේන්තුවේ පිස්සු බල්ලෝ වගේ හැසිරෙනකොට, පොලීසියම කුඩු විකුණද්දී සහ මිනී මරද්දී ඉස්කෝල ළමයිනුත් පිස්සෝ වගේ හැසිරෙන එක අහන්නත් දෙයක්ද?

මොවුන්ව නැවත බාලිකා පාසලේ උදේ රැස්වීම් කැඳවා ප්‍රසිද්ධියේ විදුහල්පතිනියට වන්දවන්න ඕනෑ සමාවෙන්න කියලා. සියලුම අලාභහානි අයකරගන්න ඕනෑ.

කොලු වැඩ. අපි යන කාලේ ඇතුලට ගිහිල්ලා චියර් කරලා එනවා... දන්නා කියන අයත් බලගෙන්න ඉන්නවා එනකම්... මේ වගේ අමුතු දේවල් නැහැ.

ඇත්ත තමයි රටේ පාලකයන්ට වුවමනාවක් නැහැ රටේ දියුණුවක් ගැන හිතන්න.. තමන්ගේ තානාන්තර රැකගන්න දහදුරා වැඩ කරනවා ඇරෙන්න. සෑම දේශපාලකයෙකුම ගෑවුණු තැන විනාශයක්. දැන් මෙරට හදනවා තියා හිතන්න වත් බැහැ. මේවාට විරුද්ධව නගන හඞ ගඟට කපන ඉනි හා සමානයි.. දැන් ඕනෑ දරදඞු නායකයෙක් අවංක සිතක් ඇති..

මේ වැඩේට දැන්වත් තිත තියමු.

අර පාර්ලිමේන්තුවේ මන්ත්‍රීවරු හැසිරුණ විදිහ දැක්කනේ ? කෝ තවම ඒවාට නීති මාර්ගයෙන් කටයුතු කලාද ? නැහැනේ. ඒවා ආදර්ශයට අරන් තමා සිසුන් මේ විදිහට හැසිරෙන්නේ, නමුත් මේ හැසිරීම සාධාරණිකරණය කරන්න බැහැ, දඩුවම් නොකර නිදහස් කල එක වැරදියි, මොවුන්ට සතියක් දෙකක දවසකට පැය 2-3 මාර්ගය පිරිසිදු කිරීම වැනි දඩුවමක් දුන්න නම් ගැලපෙනවා, යුරෝපයේ රටවල මේවගේ වැරදිවලට දඩුවම් වශයෙන් මෙවැනි දේවල් කරන්න කියනවා

පාසල් කියන්නේ මේ සමාජයේ හරස්කඩක්... සමාජයේ විනය පිරිහෙනකොට පාසලේ විනය ගැන කුමන කතාද? යකඩ මල්ලටත් ගුල්ලෝ ගහපු රටේ සහල් මල්ල ගැන කුමන කතාද?

ඇයි වෙන පාසලක වුණා නම් මුලින්ම නම දාන්නේ?

ලොකු ලොකු අයගේ ළමුන් කියලා නිදහස් නොකර මේ වුණු පාඩුවවත් අයකරගත්තා. මොකද මේ ළමුන් මත් පෙති වගේ පාවිච්චි කරලද දන්නේ නැහැනේ.. මොකා වුණත් කලේ වැරද්දක්.. පොඩි කාලෙම නිකන් මානසික ලෙඩ්ඩු වගේ දඟලනවා.

මීට දශක ගණනාවකට කලිනුත් විශේෂයෙන් පිරිමි පාසල් අතර ක්‍රිකට් තරග පැවැත්වෙන කාලයේ මෙහෙම සිදුවීම් සිදු වුණා. පාරේ ට්‍රක් රථවලින් ගමන් කිරීම හැට් කලෙක්ෂන් දැමීම බාලිකා පාසැල් අසලින් අත් වනමින් ගමන් කිරීම පාසල් කොඩි තොප්පි පැළඳ වීදි සැරිසැරීම සිදුවුණා. නමුත් දේපල හානි කිරීම සහ බරපතල විනය විරෝධී වැඩ සිදුකිරීම නම් ඒ පරම්පරාවේ පිරිමි ළමයින් සිදු කලේ නැහැ. හරියට ඉගෙන ගන්නේ නැතිනම් පුතාට කැමති දඬුවම් දී හදාගන්න කියා ගුරුවරයාට ලියුමක් යැවූ අධ්‍යාපන ඇමතිලා සිටපු යුගයක් ඒක. ඉන් පසුව පාලකයන්ගේ අවිනීත දරු පරම්පරාවක් බිහිවී ගායකයන් සමග බාලිකා පාසල් වලට කඩා පනින සංස්කෘතියක් බිහි වුනා. ගුරුවරුන් සිසුවියට ගවුම දිගට ඇඳන් එන්න කිව්වා කියා දණගැස්සුවා. වාහන බලපත්‍ර නැතිව පාරේ කාර් ගෙනිහින් කහ ඉරේ මිනිස් ජීවිතයක් නැති කළ තරුණ දේශපාලු පුතා කිසිම දඬුවමක් නැතිව යහතින්... බීමතින් රියපදවා තාප්ප කඩපු, සමාජශාලා වල පිස්සු නටපු දේශපාලු පුතුන් හැමෝම යහතින්... ඉතින් රටේ අනෙකුත් සිසුන්ගේ විනය ගැන කවර කතාද?

බම්බලපිටිය සහ ගල්කිස්ස පාසල් දෙකේ නම් සඳහන් කරන්න...

සමහර පාසල්වල ගුරුවරු සිසුන්ට භයේ කිසිම පියවරක් නොගන්න අවස්ථා තියෙනවා. මොකද පාසලෙන් එලියට එද්දී පොලු මුගුරුවලින් සලකන නිසා. දන්න මිශ්‍ර පාසලක් තියෙනවා අද පොලිසියෙන් පනිනවලු නොමනා වැඩ සිද්ධවෙන නිසා පාසල් කාලය තුල. මගේ ළමයත් ගියේ ඒ පාසලට. වැඩ දුරගිය යන්න කලින් එයාව ඒකෙන් අයින් කරලා වෙන පාසලකට දැම්මා. අනේ මන්දා දැන් හැදෙන ළමයිගේ මොන හැදියාවක්ද කියලා. කනෙන් රිංගන්න තමයි බලන්නේ පොඩ්ඩක් බුරුල දුන්න ගමන්.

මේකේ දැන් තියෙන සංස්කෘතිය මේකේ තව පැත්තක් මම කියන්නම්. මේ බොහොමයක් "කොළඹ තියන බාලිකා" වල සෑහෙන ළමයි කොටසක් කොල්ලෝ එදාට ඉස්කෝලෙට පනිනකම් බලාගෙන ඉන්නවා. පනින්න බැරි වුන දවසට අපරාදේ අද කොල්ලොන්ට පනින්න බැරි වුනා කියලා කියනවා. මේක මගේ පුද්ගලික අත්දැකීමක්. අනික පහුගිය වසරක ප්‍රධාන බාලිකාවකට කොල්ලෝ පැනලා මහා කලබගැනියක් කළා. ඒ පාසලේ විදුහල්පතිනි හරි අපූරු කතාවක් කිව්වා ඒ ළමයින්ට මම එන්න කියලය ආවේ කියල ! ඔන්න තත්වය !

වැරැද්ද කරපු ඉස්කෝලේ නම මොකක්ද?

බොහොමයක් අදහස් වලින් පෙන්නේ නරි මිදී තිත්තයි කියනවා වගේ. තමන්ට සුන්දර ළමා වියක් තිබිලා නෑ වගේ. ජීවිතේ සුන්දරද මෙතරම්!

මම දන්නා තරමට නම් ඔය කියන බාලිකා පාසල් වල සිසුන් ක්‍රිකට් තරග සමයේ කොල්ලන් පාසලට පනිනකම් බලාගෙන ඉන්නවා.