(ජේ .ඉඳුරුවගේ )

බස්නාහිර හා දකුණු පලාත් වෙන් කෙරෙන බෙන්තර ගඟේ  නාවික හමුදා  මුර සංචාරක සේවයක් ආරම්භ කර තිබේ.

ඇඳිරි නීතිය ක්‍රියාත්මක වෙද්දී ගොඩබිමින් නොගොස් බෝට්ටු ,සහ ඔරුවලින් ගඟ දෙපස පිහිටි බෙන්තොට ,තුන්දුව  සහ  බේරුවල ,  දර්ගා නගරය අතර ඇතැම් පිරිස් ගමනාගමනය කරන බවට හෙලිවු අතර  කොරෝනා වසංගතය  වැලැක්වීමේ  පියවරක් ලෙස මෙලෙස සිදු කරන ගමනාගමනය නතර කිරීමට මෙම  මුර සංචාරක සේවය ආරම්භ කළ බව නාව්ක හමුදාව පවසයි.

දැනට කොරෝනා රතු කලාපයක් ලෙස හඳුනා ගෙන ඇති බේරුවල  ප්‍රාදේශීය ලේකම් කොට්ඨාසයේ දර්ගා නගරයෙන්ද කොරෝනා ආසාදිතයෙකු හඳුනා ගෙන ඇති නිසා මෙම ආරක්ෂක සේවය අද වනවිට දැඩි කර ඇතැයි ද නාවික හමුදාව පවසයි .

තුන්දුව සහ දර්ගානගරය  අතර  සිදුවෙන මෙම ගමනාගමනය ගැන විමසිල්ලෙන් සිටින බව ඌරගස්මන්හන්දිය පොලිසිය  පවසයි.