(අජන්ත කුමාර අගලකඩ)

ජනාධිපති ලේකම් කාර්යාලය යටතේ පිහිටුවා ඇති බෞද්ධ පුනරුද අරමුදල අහෝසි කර එහි ගිණුම්වල පවතින අරමුදල් බුද්ධ ශාසන අරමුදලට මාරු කිරිමට රජය තීරණය කර ඇත.

ඒ සඳහා අගමැති මහින්ද රාජපක්ෂ මහතා බුද්ධශාසන අගමැතිවරයා වශයෙන් ඉදිරිපත් කරන ලද කැබිනට් සංදේශයට අමාත්‍ය මණ්ඩල අනුමැතිය ලැබී තිබේ.

විහාරස්ථානවල ධර්මශාලා සංඝාවාස, සනීපාරක්ෂක පහසුකම් මෙන්ම පිරිවෙන්වල දේශනශාලා හා පුස්තකාල පහසුකම් ආදිය සැපයීම වෙනුවෙන් ජනාධිපති කාර්යාලය යටතේ 2016 වසරේදී මෙම අරමුදල පිහිටුවනු ලැබුවේ එවකට ජනාධිපතිවරයාව සිටි හිටපු ජනාධිපති මෛත්‍රීපාල සිරිසේන මහතා විසිනි.

බෞද්ධ පුනරුද අරමුදල යටතේ සිදුකර ඇති කාර්යන් ඉදිරියට බුද්ධ ශාසන අරමුදල යටතේ සිදුකිරිමට ද කැබිනට් මණ්ඩල අනුමැතිය දී ඇත.