(ඩයනා උදයංගනී)
          
දිවයිනට ගිනිකොණ දෙසින් බෙංගාල බොක්ක මුහුදු ප‍්‍රදේශයේ පවතින අඩු පීඩන තත්ත්වය ඉදිරියේ දී පීඩන අවපාතයක් දක්වා වර්ධනය විය හැකි බැවින් බෙංගාල බොක්ක ආශ‍්‍රිත ගැඹුරු මුහුදු ප‍්‍රදේශවල අද (11) ධීවර කටයුතුවල යෙදීමෙන් වළකින ලෙසත් දැනටමත් මුහුදු ගොස් සිටින ධීවරයින් එම ප‍්‍රදේශවලින් වහා ඉවත්වන ලෙසත් කාලගුණ විද්‍යා දෙපාර්තමේන්තුව නිවේදනය කරයි.

ඒ අනුව හම්බන්තොට සිට පොතුවිල් සහ මඩකලපුව හරහා ත‍්‍රිකුණාමලය දක්වා වෙරළට ඔබ්බෙන් වන ගැඹුරු මුහුදු ප‍්‍රදේශවල රැඳී නොසිටිය යුතු බව එම දෙපාර්තමේන්තුවේ ප‍්‍රකාශකයෙක් පැවසීය.

මෙම මුහුදු ප‍්‍රදේශවල ඉතා තද සුළං ඇතිවිය හැකි අතර හෙට (12) දිනයේදී ද ධීවර කටයුතු කළ යුත්තේ විමසිලිමත්ව හා කාලගුණ විද්‍යා දෙපාර්තමේන්තුවේ නිවේදන පිළිබඳ සැළකිලිමත් වෙමින් යැයි ද ඔහු සඳහන් කළේය.