(බිමල් ශ්‍යාමන් ජයසිංහ සහ නිමන්ති රණසිංහ)

පැරණි  බෝගම්බර බන්ධනාගාරයේ සිර  මැදිරිය කඩා, රැඳවියන් 5දෙනෙකු පලායමින් සිටියදී, එක් අයකු මියගොස් ඇති බව බන්ධනාගාර මාධ්‍ය ප්‍රකාශක තුෂාර උපුල්දෙණිය මහතා පැවසීය.

මියගොස් ඇත්තේ අවුරුදු 30ක් වයැසති අනුරාධපුරයේ පදිංචි අබ්දුල් රහීම් නමැත්තාය.

පලායාමේදී තාප්පයෙන් බිමට වැටී තුවාල ලැබීමෙන්රෝහලට ඇතුළත් කිරීමෙන් පසු එම රැඳවියා මියගොස් ඇතැයි පැවසේ. තාප්පයෙන් වැටීමෙන් බරපතල තුවාල ලැබූ 24 හැවිරිදි  තවත් රැඳවියෙක් මහනුවර රෝහලේ ප්‍රතිකාර ලබයි.

පොලිස් නිවාස ප්‍රදේශයට සෙසු සැකකරුවන් පලාගොස් ඇති බවද, ඔවුන් අත්අඩංගුවට ගැනීමට මෙහෙයුම් ක්‍රියාත්මක බවද පැවසේ.

මත්කුඩු ළඟ තබා ගැනීම සම්බන්ධයෙන් අත්අඩංගුවට ගත් මෙම රැඳවියන් නිරෝධානට ලක් කර තිබියදී මෙම සිද්ධිය වී ඇතැයි මාධ්‍ය ප්‍රකාශකවරයා කීය.