නව රජයෙන් කළ බදු සංශෝධනවල සහනය බේකරි හිමියන් බොහෝ දෙනෙකු දෙනෙකු දැනටමත් පාරිභෝගික ජනතාවට ලබා දී ඇති අතර කිසියම් සහනයක් ලබා නොදුන් බේකරි හිමියන් වෙතොත් ජනතාවට යම් සහනයක් දෙන ලෙස සංගමය ඔවුන්ගෙන් ඉල්ලීමක් කර ඇතැයි සමස්ත ලංකා බේකරි හිමියන්ගේ සංගමය ‘‘ලංකාදීප‘‘ යට ලිපියක් එවමින් කියා සිටී.

සංගමය මෙම ලිපිය එවා ඇත්තේ ‘‘රජය ජනතාවට දුන් බදු සහන බේකරි, හෝටල් සහ අවන්හල් හිමියන් කොල්ලකනවා - ආදායම් කොමසාරිස් ජනරාල් කියයි‘‘යන සිරස්තලය යටතේ ‘‘ලංකාදීප‘‘ය ඊයේ (19) පුවත්පතේ පළවූ ප්‍රවෘත්තිය සම්බන්ධයේන කරුණු පැහැදිලි කරමිනි.

සමස්ත ලංකා බේකරි හිමියන්ගේ සංගමයේ සභාපති එන්.කේ ජයවර්ධන සහ භාණ්ඩාගාරික මහින්ද රණසිංහ යන මහත්වරුන්ගේ අත්සනින් එවා ඇති මෙම ලිපියේ මෙසේද සඳහන් වේ.

නව රජය යටතේ සිදු කරන ලද බදු සංශෝධනයක්ගේ සහනය බොහෝ බේකරි හිමියන් විසින් දැනටමත් පාරිභෝගිත ජනවතාවට ලබා දී ඇති අතර තවමත් කිසියම් සහනයක් ලබා නොදුන් බේකරි හිමියන් වෙතොත් යම් සහනයක් ජනතාවට ලබා දෙන ලෙස අප සංගමට ඔවුන්ගෙන් ඉල්ලීමක් කොට ඇත.

බදු සංශෝධනයත් සමග බොහෝ අමුද්‍රව්‍ය මිල අඩු වනවා වෙනුවට මිල ඉහළ ගිය අතර ඒ අතරින් එළවලු මාගරින් සහ පාම් තෙල් (pam oil) මිල වැඩිවීම කර්මාන්තයට දැඩි ලෙස ලබපාන ලදී. එසේම වර්ෂයක පමණ කාලයක සිට බිත්තර මිල ද අධික ලෙස වැඩිවී ඇති අතර මෙම සියලු භාණ්ඩ වල මිල වැඩිවීම හේතුවෙන් කුඩා පරිමාණයේ බේකරියකට පවා දිනකට රුපියල් 5000/= කට අධික මුදලක් අමතරව දැරීමට සිදුව ඇත. එම තත්වය තුළ වුව ද බේකරි හිමියන්  විශාල ප්‍රමාණයක් වේ වන විටත් පාරිභෝගික  ජනතාවට බදු සහනය ලබා දී ඇත.

එමෙන්ම අප සංගමය පසුගිය සඳුදා දින (2020 පෙබරවාරි 17) දේශීය ආදායම් කොමසාරිස්තුමා සමග මෙම කරුණු සම්බන්ධයෙන් සාකච්ඡා කළ අතර බොහෝ බේකරි ආයතන මිල අඩුකර ඇතත් මිල අඩු නොකරන ලද බේකරි වෙත අප සංගමය ප්‍රසිද්ධ දැන්වීම් සහ  මාධ්‍ය සාකච්ඡා මගින් එම සහනය පාරිභෝගිකයින් වෙත ලබාදීමට කටයුතු කරන ලෙස ඉල්ලා සිටින වග පොරොන්දු විය.