2025 මැයි මස 09 වන සිකුරාදා
(ඩයනා උදයංගනී)
පාසල් පෙළ පොත්වලින් දරුවන්ගේ හිත් තුළට ඇතුළු කරන මතවාදයන් ගැන කඩිනමින් විමර්ශනයක් කිරීමට බලාපොරොත්තු වන බව අග‍්‍රාමාත්‍ය මහින්ද රාජපක්ෂ මහතා අද (27) පැවසීය.
මෙම යුගයේදී විශේෂයෙන්ම දරුවන්නේ හිත් තුළට ඇතුළු කරන්නේ මොනවද යන්න ගැන ප‍්‍රවේසම් විය යුතු බව කී අගමැතිවරයා විදේශීය මුදල්වලින් පවත්වාගෙන යන රාජ්‍ය නොවන සංවිධාන මෙරට අධ්‍යාපන ක‍්‍රමයට බොහෝ සියුම් ලෙසින් මැදිහත් වී තිබෙන බව ද සඳහන් කළේය.
අග‍්‍රාමාත්‍ය මහින්ද රාජපක්ෂ මහතා මේ බව පැවසුවේ වවුනියාවේ ඉරට්ටපෙරියකුලමේදී අද (27) පැවති සමස්ත ලංකා දහම් පාසල් සිසු ජාතික මහෝත්සවය අමතමිනි.
එහිදී වැඩිදුරටත් අදහස් දැක්වූ අගමැතිවරයා මෙසේ ද කියා සිටියේය.
‘‘ විශේෂයෙන්ම මේ අපි ළමයින්ගේ හිත් තුළට දාන්නේ මොනවද කියන එක ගැන ප‍්‍රවේසම් වෙන්න ඕන යුගයක්. විදේශීය මුදල්වලින් පවත්වාගෙන යන රාජ්‍ය නොවන සංවිධාන අපේ අධ්‍යාපන ක‍්‍රමයට බොහොම සියුම් විදියට මැදිහත් වෙලා තියනවා. මේ රටේ ප්රධාන පෙළේ විද්වත් භික්ෂූන් වහන්සේලා පාසල් ළමුන්ට බෙදා දෙන පොත්වල මුළු ළමා පරපුරේම හිත් විකෘති කරන ආකාරයේ දේවල් ඇතුළත් කරල තියෙන හැටි විස්තර කරනවා මම අහගෙන හිටියා. ඒකත් එක්කම සමහර අච්චු පොත්වල උතුරු නැගෙනහිර පළාත් දෙක එක පළාතක් වගේ පෙන්වලා තියෙන බව ගිහි සංවිධාන පෙන්වලා දුන්නා. සිංහල අලූත් අවුරුද්දත් සමහර පොත්වලින් හලළා.
අපි කවුරුත් තේරුම් ගන්න ඕන මේ රට බෙදන්න සිංහල බෞද්ධ ජනතාව විනාශ කරන්න, සිංහල, දෙමළ, ක‍්‍රිස්තියානි, හින්දු සියළු දෙනාගේම පවුල් සංස්ථා බිඳ දමන්න, ළමුන් හා දෙමාපියන්, ළමුන් සහ ගුරුවරුන්, ළමුන් හා ආගම් අතර, සම්බන්ධතා බිඳ දමන්න, ඉතාමත් බලගතු වැඩපිළිවෙළක් ක‍්‍රියාත්මක වෙනවා. ඒ ගොල්ලෝ මේ අරමුණු ඉටුකරගන්න වැඩසටහන් පටන්ගන්නේ පාසල්වල බාලාංශයේ ඉඳලා. එතකොට අවුරුදු කිහිපයක් ගත වුණාම කවුරුවත් දන්නෙ නැතුවම සිංහල මිනිසුන්ගෙ හිත් ඉබේම වෙනස්වෙලා. පාසල්වල භාවිතා වන පෙළ පොත්වලින් ළමුන්ගේ හිත් තුළට දාන මතවාදය ගැන කඩිනමින්ම විමර්ශනයක් කරන්න අපි බලාපොරොත්තු වෙනවා.’’
විජයදාස රාජපක්ෂ මහතාට අපහාසයක් සිදුවන අසත්‍ය, වෛරී සහ ද්වේශ සහත ප්‍රකාශ හා සාකච්ඡා සමාජ මාධ්‍ය ඔස්සේ අන්තර්ජාලයට මුදා හැරීම වළක්වමින් චමුදිත සමරවික
වසර පහළොවකට වැඩි කාලයක් පොලිස් මාධ්‍ය කොට්ඨාශයේ රාජකාරී කළ ප්රධාන පොලිස් පරීක්ෂක මහ කුමාර මහතා අද (9) උදෑසන අභාවප්‍රාප්ත විය.
හිටපු අමාත්‍ය ජොන්ස්ටන් ප්‍රනාන්දු මහතා ශ්‍රී ලංකා පොදුජන පෙරමුණේ මෙහෙයුම් ප්‍රධානියා ලෙස පත් කරනු ලැබ සිටි.
වලල්ලාවිට ප්‍රාදේශීය හිටපු සභාපති පාලන කාලයේ විකිණීම සඳහා සංවර්ධනය කරනු ලබන ඉඩම්වලට අනුමැතිය දීමට රුපියල් 6730000.00 අල්ලසක් ලබා ගත්තේ යැයි කියන සිද්ධියක්
වලල්ලාවිට ප්‍රාදේශීය සභාවේ හිටපු සභාපති අතු කෝරළ දොන් උදේනි ප්‍රියංග මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කණ්ඩායමක් විසින් අද (9
විවිධ ප්‍රමාණයේ ජීව උණ්ඩ 120 ක් සමග පුද්ගලයින් දෙදෙනෙකු අත්අඩංගුවට ගනු ලැබූ බව ගම්පහ මූලස්ථාන පොලීසිය සදහන් කරයි.
2025 මැයි මස 09
39
0
ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
2025 අප්‍රේල් මස 29
1295
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
333
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
පෙළපොත් වලින් දරුවන්ගේ මනසට යන මතවාද ගැන විමර්ශනයක්
Walter White Friday, 27 December 2019 02:20 PM
මම ඔය අධ්‍යාපන විශේෂඥයෙක්වත් ළමා මනෝ විශේෂඥයෙක් වත් නෙවේ. එ්ත් මට තියෙන ප්‍රශ්නය, දකුණු ආසියාවේ ඉන්දියාවේ ලංකාවේ මේ තරම් හොඳ සංස්කෘතියක් තිබිලත් බටහිර යුරෝපා රටවල්වල ලිංගිකත්වයට බර විවෘත සංස්කෘතියක් තිබිලත් ලංකාව ඇතුළු දකුණු ආසියානු රටවල ස්ත්‍රී දූෂණ ළමාදූෂණ, අපචාර බහුල ඇයි කියලා... ටිකක් හිතන්න, අපි ඔය උජාරුවෙන් වර්ණනාකරන සංස්කෘතියක, මාතෘ මූලික සමාජයක ඇයි දරුවන් අපචාරයට ලක්වෙන්නේ? ඇයි ස්ත්‍රීන් බස් එකේදී තනියම ගමනක් යද්දී විවිධ අතවර බලපෑම් වෙන්නේ කියලා... පැහැදිලිවම අපිට වැරදුනු තැනක් ඕක. පැහැදිලිවම ලිංගිකත්වය ගැන අපේ තියෙන බූරු අදහස් නිසයි ඕක වෙන්නේ, අඩුම ගානේ පෙළපොත් වලින් ලිංගික අධ්‍යාපනය අපචාර ගැන දැනුමක් ළමයින්ට දෙනවා නම් අපචාර ලත් තැන ලොප් කරන්න පුළුවන්... ළමයින්ගේ අහිංසක කමෙන් අයුතු ප්‍රයෝජන ගන්නේ ළඟම ඥාතීන්. ළමයින්ට ඒ ගැන දැනුමක් දුන්නාම මොකක්ද ඇති වරද?
ChampaFriday, 27 December 2019 03:18 PM
ළමයින්ට ඔය දැනුම ලැබෙනවා ඉහළ පන්තිවලදී... හදන්න ඕනේ වැඩිහිටියන්ව. නීතිය ලිහිල් හින්දයි එවන් අපරාධ සිද්ධ වෙන්නේ. බටහිර රටවල සංස්කෘතිය වෙනස්. අවුරුදු 12 වෙනකොට දරුවන්ට රැකියා කරන්න ඉඩ දෙනවා. දරුවන් දෙමව්පියන්ගෙන් වෙන්වෙලා වෙනම ජීවත් වෙනවා. අපේ සංස්කෘතිය ඊට සම්පූර්ණයෙන්ම වෙනස්. දරුවා පාසල් අධ්‍යාපනය ඉවර වෙනකම් ඉන්නේ දෙමව්පියන් භාරයේ. අපේ රටේ තියෙන්නේ පවුල මූලික සමාජයක්. ඒ වගේම බටහිර රටවල කාන්තාවන් සහ ළමුන් ආරක්ෂා කරන්න ඉතා තද නීති තියෙනවා. කොටින්ම පාරක යනකොට කාන්තාවක් හෝ දරුවෙක් දිහා බලන්නවත් බැහැ. එහෙම බැලුවොත් කාන්තාවට පුළුවන් පොලිසියට පැමිණිලි කරන්න. එහෙම පැමිණිල්ලක් කවදාවත් ඒ කාන්තාවටවත් ඉවත් කරන්න බැහැ. පැමිණිල්ලට ලක් වෙච්ච මිනිහ නීතිඥයෙක් මාර්ගයෙන් උසාවියට මෝසමක් දාන්න ඕනේ පැමිණිල්ල අයින් කරගන්න. බටහිර බොහෝ රටවල 1වෙනි තැන කාන්තාවන්ට. 2වෙනි තැන දරුවන්ට. 3වෙනි තැන සුරතල් සතුන්ට. 4වෙනි තැන තමා පිරිමින්ට. කැමතිද එහෙම?
කපිලFriday, 27 December 2019 03:57 PM
ඉහළ පන්තියේ දැනුම් දෙනකොට ළමයාට වෙන්න ඕනෙ හරිය වෙලා ඉවරයි. අනිවා මෙයා අම්මා කෙනෙක් වෙන්න බෑ..
සමන්තFriday, 27 December 2019 09:20 PM
මෙයා මේ අය එක්ක එකතු වෙලා වතුර වීදුරුවෙත් කිඹුල්ලු මවන්න හදනවා. කොහෙද එහෙම බලන්න බැරි රටවල් තියෙන්නේ? බලන්න පුළුවන්. භැබැයි හිරිහැර කරන්න බෑ. ඒක කරලා තියෙන්නේ නීතියට වඩා අධ්‍යාපනයෙන්.
ChampaSaturday, 28 December 2019 05:52 AM
ළමයින්ව වැඩිහිටියන්ගේ අපයෝජනයෙන් බේරා ගන්න. හය හතර නොදන්නා දරුවන්ට ලිංගික අධ්‍යාපනය දෙන්න ඕනේ නැහැ. ඒකට කරන්න තියෙන්නේ හැම අම්මම ගැහැණු, පිරිමි දරුවෝ දෙගොල්ලන්ටම කියන්න "ලෝකේ දැන් විෂමයි. ඒ හින්ද දුවේ, පුතේ කවුරු හරි අනවශ්‍ය විදිහට කිට්ටුවට එනවා නම්, ඇඟපත අල්ලනවා නම් ඒ බව අම්මට හරි ඉස්කෝලේ ගුරුවරියට හරි කියන්න" කියන එක විතරයි. අනිත් එක ළමයින්ට කියලා දෙන්න ඕනේ වැඩිහිටියෙක් දරුවෙක්ව ආදරෙන් ලඟට ගන්න එකයි, නරක මිනිස්සු දරුවට ආදරේ පෙන්වන එකයි අතර වෙනස...
Walter White Friday, 27 December 2019 02:32 PM
අපි ඔය කියන්නේ බබ්බු රෝස කැලෙන් අහුලලා කියලා, අර පුත්තලමේ පොඩි එකාට තමයි කියන්න පුළුවන් එයා මොකක් හරි කැලේකින් අහුලලා කියලා, බොරු නෙවේනේ...
Prase Friday, 27 December 2019 02:43 PM
ඉතාමත්ම හොඳ දෙයක්...
Champa Friday, 27 December 2019 02:59 PM
හොඳ කතාවක්... හොඳ අදහසක්... වහල් ආණ්ඩුව කරපු "සියලු" විනාශකාරී දේ නිවැරදි කරවන්න තමයි මිනිස්සු අවුරුදු 5ක් තිස්සේ ජනාධිපතිවරණයක් එනකම් බලා හිටියේ. පහුගිය අවුරුදු 5 ඇතුළත ළදරු මනස අවුල් කරන්නට සහ විකෘති කරන්නට කරන ලද සියලු දේ නතර කල යුතුයි. මැදගොඩ අභයතිස්ස හාමුදුරුවෝ කිව්ව හතේ පන්තියේ පොත පාසල් දරුවන්ට දීම වහාම නතර කරන්න අධ්‍යාපන ප්‍රකාශන දෙපාර්තුමේන්තුව නියෝගයක් දීලා තිබුණා. ඒ වගේම ඒ පොත් එකතු කරන්න අධ්‍යාපන ප්‍රකාශන දෙපාර්තමේන්තුවේ ලොරියකුත් සියලු පාසල් වලට එවනවා කියලත් තිබුණා. හාමුදුරුවෝ පෙන්නලා දීපු වැරැද්ද නිවැරදි කරන්න ක්ෂණික පියවර ගැනීම අගය කරනවා. 5 පන්තියේ ඉංග්‍රීසි පොතත් නිවැරදි කරන්න. ඒ වගේම හැමදාම ජනතාව එක්ක හිටපු, රටේ දරුවන්ට සැබෑ ආදරයක් පෙන්වන දේශපාලන නායකයෙක් හැටියට කවදත් ජනතා ආදරයට ගෞරවයට ලක් වෙන අගමැතිතුමාත් ඒ ගැන ක්ෂණික ප්‍රතිචාර දැක්වීමත්, පාසල් පෙළපොත් සම්බන්ධව මහා සංඝරත්නය සහ ගිහි සංවිධාන ඉදිරිපත් කළ මතවාද ගැන ඉක්මන් විමර්ශනයක් කරන බවට සහතිකයක් දීමත් ඉහළින්ම අගය කරනවා. යූ-ටර්න් ආණ්ඩුවට මගෙන් හොඳක් අහගන්න සෑහෙන්න අමාරු වෙයි. නමුත් හොඳ දේට කිසි ලෝභකමක් නැතුව හොඳයි කියනවා.
Chathuri Friday, 27 December 2019 03:08 PM
විමල්ට කියලා හොඳ පොතක් ලියවන්න. නැතිනම් එයට ලියලා දෙන්න ප්රධාන ස්ථානවල යටිගිරියෙන් කෑ ගහලා සේරම්ගේ මනස පිරිසිදු කරන්න කියලා. ළමා මනසට වැඩිය වටිනවා 225 මනස හදා ගත්තා නම්.. පොඩිඅය යන්නේ මහා උන් යන පාරේ.... දේශපාලනයට මඩ ගහන්නත් ගන්නේ පොඩි දරුවන්.. ඒ තරමට ඔය කට්ටියගේ මනස විකෘති වෙලා... දරුවන්ට හොඳට මොලේ තියෙනවා.. ඒක පාවිච්චි කරන්න පහසුකම් රට තුළ නැහැ. ඒ මොකද? රට පාලනය කරන කට්ටියගේ දැනුම මදි කම හෝ තම දරුවන් මේ දරුවන් තරම් මනසින් දුර්වල වීම මත... රට කරන කට්ටියගේ දරුවන් දකෂයි නම් අනික් දරුවන් මෙන්... එහෙම වුණොත් හැම පහසුකමක්ම ඒ පාසල්වලට ලබාදෙයි.. දියවන්නාවට පොතක් ලියලා බෙදන්න පොඩි දරුවා සහ දෙමව්පියන් තේරුම් ගන්න හැටි කියලා...
Raveendra Friday, 27 December 2019 09:01 PM
කතාව නම් ඇත්ත... එ් නිසා කියව කියව ඉඳලා හරියන්නේ නැහැ ගොයියෝ... ඉක්මන් තීරණ ගත යුතුයි. එලෙසම දරු පරපුර, රටේ දියුණුව, රටේ ආරක්ෂාව වෙනුවෙන් ගන්නා තීරණ මොන රජයක් බලයට ආවත් ඒවා වෙනස් නොකිරීමට නීති සම්පාදනය කළයුතුයි. එසේ වෙනස් කරනවා නම් දියවන්නා ඔයේ ඉන්න " හැතිකරයෙන් " වැඩි ඡන්දවලින් වෙනස් කළ හැකි ලෙස නීති කඩිනමින් සකස් වියයුතුයි. කතාවට වඩා වැඩ කරන මිනිසාට රටේ පුරවැසියන් වැඩි කැමැත්තක් දක්වනවා යයි අපගේ මතයයි. එබැවින් කියවමින් වාචාලයන් ගණයට ඇතුළුවී තව තවත් හානි කරගන්නවාද යන්න දියවන්නා ඔයේ ඉන්න 225ම තීරණය කළ යුතුය. මෙම අදහස් විශේෂයෙන් දියවන්නා 225ටම කියවීමට හැකිවේවා...!!!
රවින් Saturday, 28 December 2019 02:00 AM
ගෙවීයන දශකය තුළ හෝ ඊට ටිකක් වැඩියෙන් කාලය තුළ ටියුෂන් ගුරාලාගේ කෙරුවාවල් තමයි ඔය... දේශපාලකයන්, එන්.ජී.ඕ කාරයින් වගේම, ටියුෂන් ගුරාලාටත් අධ්‍යාපන විකෘති කිරීමේ වගකීම පැවරිය යුතුයි. ඔය තුන්ගොල්ලන්ගේම පැවැත්මට නම් මනස විකෘති ජනයා ජීවත් වියයුතුය. ඔබතුමාම හිතලා බලන්න. පසුගිය දශකය තුළ පරණ ටියුෂන් ගුරුවරු කීදෙනෙක් ඇමති, නියෝජ්‍ය ඇමති, රාජ්‍ය ඇමති කියලා පත්වීම් ලැබුවාද කියලා...
Nuwan Saturday, 28 December 2019 05:10 AM
හරි ජාතියක්, ජම්මයක් නැති කල්ලතෝනි කීදෙනෙක් ඉන්නවද කියලා බලාගන්න පුළුවන්... මෙතුමගේ අදහසට විරුද්ධව දාන කොමෙන්ට් සහ ඩිස්ලයික් තුළින්...
රවින්Saturday, 28 December 2019 08:31 AM
යථාර්තය නුවන් යථාර්තය. ඉංග්‍රීසියෙන් කීවොත් රියලිටි. අදහස් උදහස් විවේචන. ඔය කියන පොත් පෙළ ලිව්වේ කවුද? ඔහු හෝ ඇයගේ සුදුසුකම්? පළපුරුද්ද? සෝදුපත් කියෙව්වේ කවුද? මුද්‍රණයට අනුමත කලේ කවුද? මුල්ම මුද්‍රණය මොන අවුරුද්දේද? වෙනසක් කලේ නම් කොයි අවුරුද්දේද? වගේ දේවල් හරිහැටි විමසා බලමු ඉස්සෙල්ලා. ඊට පස්සේ සොයා බලමු කල්ලතෝනි කවුද ඇත්තෙන්ම මේ දේශයට, සංස්කෘතියට, අනාගත පරපුරට ආදරේ කවුද කියලා. සුද්දා හදපු රේල් පාරේ හරියට වෙලාවට දුම්රියක් දුවවා ගන්න බැරිව අවුරුදු 70කට වැඩිය දඟලන අපි, අපිම ගැන කණගාටු විය යුතු නොවේද? ලෝකය දියුණු රටවල මිනිසුන් තම උරුමයන් සංස්කෘතියන් ආරක්ෂා කරගන්න දැඩි පියවරවල් ගන්නකොට අපි අපේ උරුමයන් විනාශ කරගන්නවා. සල්ලි පස්සේ දුවන අපේම දේශපාලකයෝ පිටරට ආධාර කියලා කීයක් පාවාදීම් කර ඇතිද?
fasmy Saturday, 28 December 2019 08:27 AM
ගරු අගමැතිතුමනි, මා එම පොත කියවා බැලුවෙමි. ඉස්ලාම් භක්තිකයෙක් ලෙස එම පොත ටිකක් සැරවුණත් එහි අන්තර්ගතය එම වයසේ ළමුන් අනිවාර්යයෙන් දැන ගත හැකි ක්‍රමයක් හදන්න..