IMG-LOGO

‘‘පාස්කු ප‍්‍රහාරයට රටේ දේශපාලන නායකත්වය වගකිව යුතුයි‘‘

(තිළිණි ද සිල්වා සහ රංජන් කටුගම්පොළ )

පාස්කු ඉරිදා සිදු වූ ත‍්‍රස්තවාදී ප‍්‍රහාරය සම්බන්ධයෙන් රටේ දේශපාලන නායකත්වය වගකිව යුතු බවත් රටේ ජනතාවට ආරක්ෂාව ලබාදීම ආණ්ඩුවේ වගකීම යැයි එම ප‍්‍රහාරයෙන් සිය මූලික අයිතිවාසිකම් කඩවී ඇතැයි කියමින් පෙත්සම් ගොනු කර ඇති කතෝලික පියවරුන් පිරිසක් වෙනුවෙන් පෙනී සිටි ජනාධිපති නීතීඥ සාලිය පීරිස් මහතා සත් පුද්ගල ශ්‍රේෂ්ඨාධිකරණය විනිසුරු මඩුල්ල හමුවේ අද (29) කියා සිටියේය.

පාස්කු ඉරිදා කිතුණු දේවස්ථාන හා සංචාරක හෝටල්වලට එල්ල වූ ත‍්‍රස්ත ප‍්‍රහාරය වළක්වා ගැනීමට නොහැකි වීම තුළින් හිටපු ආරක්ෂක ලේකම්වරයා සහ පොලිස්පතිවරයා මහජනතාවගේ මූලික අයිතීන් කඩ කර ඇති බවට චෝදනා කරමින් ගොනු කර ඇති මූලික අයිතිවාසිකම් පෙත්සම් විභාගය අද (29) දෙවැනි දිනයටත් පැවැත්වූ අතර එහිදී ජනාධිපති නීතීඥ සාලිය පීරිස් මහතා මේ බව කියා සිටියේය.

අගවිනිසුරු ජයන්ත ජයසූරිය මහතාගේ සභාපතිත්වයෙන්, බුවනෙක අළුවිහාරේ, සිසිර ද අබෲ, ප‍්‍රියන්ත ජයවර්ධන, ප‍්‍රසන්න ජයවර්ධන, එල්.ටී.බී.දෙහිදෙණිය, මුර්දු ප‍්‍රනාන්දු යන මහත්ම මහත්මීන් හමුවේ මෙම පෙත්සම සලකා බැලිණි.

පෙත්සම්කාර කතෝලික පියතුමන්ලා වෙනුවෙන් පෙනී සිටි ජනාධිපති නීතීඥ සාලිය පීරිස් මහතා අධිකරණ හමුවේ කරුණු දැක්වමින් මෙසේද පැවසීය.

‘‘මේ සිද්ධියෙන් විශාල ජීවිත හා දේපළ හානි සිදු වුණා.රටට ආර්ථික හානි සිදුවුණා. රටට ආර්ථික හාන සිදු වුණා. මෙම සිද්ධිය සම්බන්ධයෙන් පූර්ව දැනුම් දීමක් තිබියදී බලධාරීන් නිසි පියවර ගෙන නැහැ. මේ හේතුවෙන් ජනතාවගේ මූලික අයිතිවාසිකම් කඩවී තිබෙනවා.

ජනතාවට ආරක්ෂාව ලබා දීම බලධාරීන්ගේ වගකීමයි. ජනතාව ආරක්ෂා කිරීම ආණ්ඩුවේ වගකීමක්. ජනාධිපති ලේකම්වරයා මෙම සිද්ධිය පිළිබඳව දැනුම්වත් තිබෙන බවත් එක් දිවුරුම් ප‍්‍රකාශයකින් සනාථ වෙනවා. 

මෙම සිද්ධිය පිළිබඳව සෘජුවම දේශපාලන නායකත්වය වගකිව යුතුයි. වගඋත්තරකරුවන්ගේ දිවුරුම් ප‍්‍රකාශවලින් තහවුරු වනවා. බැලූ බැල්මට මෙහි නඩුකරයක් පවතින බවට‘‘ යැයිද පැවසීය.



අදහස් (2)

‘‘පාස්කු ප‍්‍රහාරයට රටේ දේශපාලන නායකත්වය වගකිව යුතුයි‘‘

Chanak los angeles Monday, 29 July 2019 09:31 PM

එහෙනම් රටේ ආරක්ෂක ප්‍රධානියා වන විධායකයා නේද වගකියන්න ඕනේ? අපිට නම් පෙනෙන්නේ ජනාධිපති කලුකෝට් හාදයා විධායකයේ කොන්ත්‍රාත් එකක් ඉෂ්ට කරනවා. මේ දෙන්නා කාරක සභාවේ කරපු ප්‍රකාශයන් අනුව ඕන මෝඩයෙක්ට වැටහෙනවා මේ ප්‍රහාරය විධායකයාට දන්වලා කියලා... කාරක සභාව විධායකයාට සාක්ෂි සඳහා ගෙන්වන්න ඕනේ කීවාම මම එන්නේ නැහැ කියමින් එය මගහැර ගියේ ඒ සියල්ල ෆොන්සේකා විධායකගෙන් ප්‍රශ්න කරාවි කියන බයෙනුයි. කලුකෝට් කාරයෝ ඇයි නීතිය කබායේ දාගන්න යන්නේ?

:       0       0

Bamunuarachchi Tuesday, 30 July 2019 02:11 AM

මොවුන් මුස්ලිම් ත්‍රස්තවාදයට පමණක් නොව LTTE ත්‍රස්තවාදයටත් උදව් කළා. ආයුධ දුන්නු සල්ලි දුන්නු ඒ කාලේ... සිංහල කොල්ලන්ව විතරක් ටයර්වල පිච්චිලා බෙලිකපලා පාරේ කොටුවල ගහලා තිබුණා. එහෙම තම සගයින් මරාගත්ත ජෙප්පෝ දැන් එජාපෙට ගොට්ට අල්ලනවා. කාලකන්නි..!

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 259 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 786 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1204 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site