(තරිදු ජයවර්ධන)

බොරැල්ල රථවාහන අංශයේ  ස්ථානාධිපතිවරයා  අනතුරට ලක් කර  පළා ගිය සිද්ධිය සම්බන්ධයෙන් මේ වන විට  වාහන දෙකක් සහ සැකකරුවන් අට දෙනෙකු අත්අඩංගුවට ගෙන ඇතැයි පොලීසිය පවසයි.
 

අත්අඩංගුවට ගත් වාහන අතර ඩිෆෙන්ඩරයක් ද වේ. පොලිස් ස්ථානාධිපතිගේ යතුරු පැදියේ ගැටී ඇත්තේ එය බවත්, අනිත් වාහනය ඩිෆෙන්ඩරය සමඟ පිටුපසින් ආ වාහනය බවත් පොලිසිය සඳහන් කරයි.
 

අපරික්ෂාරී ලෙස රිය ධාවනය,අනතුරක් සිදු වූ බව  නොදැන්වීම , අනතුර වළක්වා නොගැනීම අැතුළු චෝදනා කිහිපයක් යටතේ ඩිෆෙන්ඩරයේ රියදුරු අත්අඩංගුවට ගත් බවත්, ඔහුට මනුෂ්‍ය ඝාතනයට තැත් කිරීමේ චෝදනාව ද ගොනු කරනු ඇති බවත් පොලිස් ආරංචි සඳහන් කරයි.
 
සෙසු පිරිස අත්අඩංගුවට ගෙන ඇත්තේ අනතුර දැනුම් නොදීම සම්බන්ධයෙනි.