(ක.ග. කරුණාරත්න සහ නිමල් ජයරත්න )


පොලොන්නරුව මඩකලපුව ප‍්‍රධාන මාර්ගයේ සෙවනපිටිය , සුසිරිගම ප‍්‍රදේශයේ දී අද (28) පෞද්ගලික බස් රථයක් හා ලොරියක් එකිනෙකට ගැටීම නිසා සිදුවූ අනතුරක් හේතුවෙන් බස් රථයේ ගමන් ගත් මගීහු 27 දෙනෙකු පමණ තුවාල ලබා ඇතැයි වැලිකන්ද පොලීසිය කියයි.


තුවාල කරුවන් ප‍්‍රතිකාර සඳහා වැලිකන්ද සහ පොලොන්නරුව රෝහල් වලට ඇතුළත් කර ඇත.


බස් රථයේ රියදුරා ඇතුළු ඒ තුවාල කරුවන්ගෙන් 05 දෙනෙකු පමණ තරමක් අසාධ්‍ය තත්ත්වයේ සිටි බව පොලීසිය සඳහන් කලේය.


වැලිකන්ද කටුවන්විල සිට පොලොන්නරුව බලා ධාවනය වෙමින් තිබූ පෞද්ගලික මගී බස්රියක් සහ පොලොන්නරුව සිට වැලිකන්ද දෙසට යමින් තිබූ ලොරියක් මෙසේ අනතුරට ලක් වී තිබේ.


වැලිකන්ද පොලීසිය පරීක්‍ෂණ පවත්වයි.

ඡායාරූප - නිමල් ජයරත්න