( ලලිත් නවරත්න)
 
ආරච්චිකට්ටුව ප‍්‍රාදේශීය සභාවේ පොදුජන පෙරමුණේ මන්ත‍්‍රීවරයෙකු සහ ඔහුගේ ආධාරකරුවෙකු අද (13)  හලාවත අධිකරණයට ඉදිරිපත් කිරීමෙන් අනතුරුව මේමස 19 දක්වා රක්ෂිත බන්ධනාගාරගත කරතැබීමට හලාවත මහේස්ත‍්‍රාත් සහ  දිසා විනිසුරු මංජුල රත්නායක මහතා පොලීසියට නියෝග කළේය.

හලාවත කුමාරකට්ටුව ප‍්‍රදේශයේ මාර්ගයක යතුරුපැදියකින් ගමන්කරමින් සිටි පුද්ගලයෙටකුට පහර දී එම පුද්ගලයාගේ නිවසට බලහත්කාරයෙන් ඇතුලූව දේපලට හානිකිරීම සම්බන්ධයෙන්  මොවුන් සැකපිට අත්අඩංගුවට ගනුලැබූහ
 
මෙසේ අත් අඩංගුවට පත්ව ඇත්තේ ආරච්චිවිකට්ටුව ප‍්‍රාදේශීය සභාවේ පොදුජන පෙරමුණ මන්ත‍්‍රී  සුදත් රෝහිත සහ ඔහුගේ ආධාරකරුවෙ වූ පොළගා හෙවත් විජිත රම්‍යකුමාර නැමැත්තෙක්ය.
 
පහරදීම නිවසකට බලහත්කාරයෙන් අයුතු ඇතුල්වීම පුද්ගලික දේපළ වලට අනර්ථයක් සිදුකිරීම යන චෝදනා මත මෙම පුද්ගලයින් රක්ෂිත බන්ධනාගාරගතකර ඇත.
 
මෙම සිද්ධියේදී  පහරකෑමට ලක්ව ඇත්තේ කුමාරකට්ටුව නෙලූම් කුලිය මැදවත්තේ වතුවැඩ පරීක්ෂක වරයාගේ පුත‍්‍රයෙකු වූ 19 හැවිරිදි චාමින්ද කනිෂ්ක නැමති පුද්ගලයෙකි

ඉකුත් 09 දා රාත‍්‍රී පහර කෑමට ලක්වූ පුද්ගලයා කුමාරකට්ටුව  ප‍්‍රදේශයේ මාර්ගයේ සිය යතුරුපැදියෙන් ගමන්කරමින් සිටියදී මන්ත‍්‍රීවරයා සහ තවත් ප‍්‍රදේශයේ මැරයෙකු මගරැක පහරදුන් බවත්ල  අනතුරුව තම ජීවිත බේරා ගැනීමට නිවසට දුවපැන සැගව සිටියදීල  එම මන්ත‍්‍රීවරයා සහ මැරයා පැමිණ නිවසේ තිබූ අගල් 52ක වටිනා වර්ණරූපවාහිනී යන්ත‍්‍රය පොලූමුගුරු වලින් ගසා කුඩුකළ බවත් අගතියට පත්වූවන් කළ පැමිණිල්ලේ සඳහන වේ.

අනතුරුව සිදිධියට අදාල මන්ත‍්‍රිවරයා ප‍්‍රදේශයෙන් අතුරුදහන්ව සිටි අතර පසුව හලාවත පොලීසිය සිදුකළ මෙහෙයුමකින් අනතුරුව 12දින අත්අඩංගුවට ගනු ලැබීය.