(නිමල කොඩිතුවක්කු)

පළාත් අතර සංචරණ සීමා පනවා තිබුණත් අත්‍යවශ්‍ය සේවා සඳහා පිට පලාත් වල සිට දුම්රිය හතක් හෙට දිනයේ කොළඹ කොටුව සහ මරදාන දක්වා ධාවනය කිරීමට නියමිත බව නියෝජ්‍ය දුම්රිය සාමාන්‍යාධිකාරී ගමනාගමන ගාමිණී සෙනවිරත්න මහතා සඳහන් කළේය.

ඒ අනුව මහව සිට කොළඹ කොටුව දක්වා එක් දුම්රිය ගමන් වාරයක් ද, මහනුවර සිට කොළඹ කොටුව දක්වා දුම්රිය ගමන්වාර 02 ක් ද, බෙලිඅත්ත සිට කොළඹ මරදාන දක්වා එක් දුම්රියක් ද, ගාල්ල සිට කොළඹ මරදාන දක්වා එක් දුම්රිය ක් ද , හලාවත සිට කොළඹ කොටුව දක්වා ද එක් දුම්රියක් ද රඹුක්කන සිට කොළඹ කොටුව දක්වා එක් ගමන් වාරයක් ලෙස ද ධාවනය එක් කිරීමට කටයුතු කර ඇති බවත් ඔහු සඳහන් කළේය.

සෞඛ්‍ය ආරක්ෂිත ක්‍රමවේද අනුගමනය කරමින් අත්‍යවශ්‍ය සේවා සඳහා පමණක් එම දුම්රිය සීමා ලබා ගන්නා ලෙස මඟින් ජනතාවගෙන් ජනතාවගෙන් ඉල්ලීමක් කරන බවත් සෙනෙවිරත්න මහතා කියා සිටියේය. මෙයට අමතරව බස්නාහිර පළාත තුල දුම්රිය ගමන් වාර 102 ක් ධාවනය කිරීමට කටයුතු යොදා ඇතැයිද ඔහු සඳහන් කළේය.

ඒ අනුව ප්‍රධාන මාර්ගයේ අඹේපුස්ස, මීරිගම, වේයන්ගොඩ, ගම්පහ සහ රාගම සිට ගමන් වාර 36 ක් ද, මුහුදුබඩ මාර්ගයේ අලුත්ගම, කළුතර දකුණ, පානදුර, මොරටුව සහ ගල්කිස්ස සිට ගමන් වාර 40 ක් ද, කැලණිවැලි මාර්ගයේ අවිස්සාවේල්ල, කොස්ගම සහ පාදුක්ක සිට ගමන් වාර 10 ක් ද, පුත්තලම මාර්ගයේ කොච්චිකඩේ සහ මීගමුව සිට ගමන් වාර 16 ක් වශයෙන් උදෑසන කොළඹ කොටුව හා මරදානවෙත ධාවනය කිරීමට කටයුතු යොදා ඇති බව සෙනෙවිරත්න මහතා පැවසීය

මෙයට අමතරව සෙසු පළාත් අතරත් දුම්රිය ගමන් වාර කිහිපයක් ධාවනය වන බවත් හෙතෙම වැඩිදුරටත් සදහන් කළේය.