(විනීතා එම් ගමගේ)

‘‘ඒක්ස්ප්‍රස් පර්ල්‘‘ නෞකාව ගින්න නිසා අගතියට පත් ධීවරයන්ට වන්දිගෙවීම් ලබන සතියේ ආරම්භ කරන බව ධීවර අමාත්‍ය ඩග්ලස් දේවනන්දා මහතා පවසයි.

නෞකාව අයත් සමාගම අතුරු දිමනාවක් ලෙස ලබා දුන් රුපියල් කෝටි 20 ක් හා රජය මගින් වෙන් කර ඇති රුපියල් කෝටි 22 ක් යොදාගෙන මෙම වන්දි ගෙවීම සිදුකරන බව ද අමාත්‍යවරයා කිය.

මෙරට මුහුදු කලාපයට මෙන්ම ධීවර කාර්මිකයන්ට දැඩි බලපෑමක් එම අනතුරනේ සිදුවී යැයි කී අමාත්‍යවරයා ඒ වෙනුවෙන් වන්දි ලබා ගැනීම සදහා අංශ කිහිපයක් යොදවා සාගර කලාපය මෙන්ම එම කලාපවල රැකියාව කරන ධීවරයන්ගේද තොරතුරු ලබාගත් අතර එම තොරතුරු අදාල නෞකා සමාගමට හා රක්ෂණ සමාගම් දැනුවත් කිරීමෙන් පසු වන්දි ලබා දීම සදහා මුදල් ලැබී ඇතැයි දේවනන්දා මහතා කිවේය.