(යොහාන් භාසුර)

කොළඹ වරාය ආසන්නයේ ගිනිගෙන විනාශ වූ ‘එක්ස්ප්‍රස් පර්ල්’ නෞකාව හේතුවෙන් ශ්‍රී ලාංකික ජනතාවට සිදුවූ හානිය ප්‍රතිපූර්ණ කිරීම සඳහා යුරෝපා සංගමයේ මානුෂික අරමුදලින් යූරෝ ලක්‍ෂ දෙකක් හෙවත් ශ්‍රී ලංකා රුපියල් කෝටි 5 කට ආසන්න ආධාරයක් ලබාදීමට තීරණය කර තිබේ.

නෞකාවේ සිද්ධියෙන් ආපදාවට පත්වූ කොළඹ, ගාල්ල ගම්පහ, කළුතර, පුත්තලම සහ මාතර යන දිස්ත්‍රික්කවල පුද්ගලයන් 15,000 කට පමණ මෙම මුදලින් වන්දි ලබාදීමට නියමිතය.

ධීවර තහනම හේතුවෙන් එදිනෙදා ජීවනෝපාය කෙරෙහි බලපෑම් ඇති කළ පුද්ගලයන්ට ක්ෂණික වන්දියක් ලබාදීමට මෙම මුදල් යොදාගැනීමට බලාපොරොත්තු වෙයි.

බටහිර වෙරළ තීරයේ විෂ සහිත ද්‍රව්‍ය ඉවත් කිරීමට පළාත් පාලන ආයතනවලට සහාය වීමට මෙම ආධාරය යොදාගැනීමට ද අවදානය යොමු වී තිබේ.