(ප්‍රසන්න පත්මසිරි)

බිබිල නිල්ගල වන රක්ෂිතයේ බුළුපිටිය ප්‍රදේශයේ වනය  අද ( 03 ) දවල් පැය තුනක් තිස්සේ ගිනිගැනිම නිසා වනයේ අක්කර සියයක පමණ භුමියේ ගස් වැල් ගින්නෙන් දැවීගොස් තිබේ.

බුද්ධදාස රජුගේ ඔසු උයන නමින් හදුන්වන නිල්ගල ඖෂධීය වනයේ අරළු,බුළු,නෙල්ලි කුඩුම්බේරිය කොළ,

බිම් කොහොඹ ඇතුලු ඖෂධ ශාක හා කළුවර,බුරුත,ගම්මාලු,ඇතුලු වටිනා දැව ගස් හා අලි,කොටි.වළසුන්,

වල්ඌරන්,මිමින්නන්,හාවුන්,මුවන්,ගෝනුන්,පක්ෂීන් හා උරගයින් ඇතුලු දුරුලබ වන සතුන් විශාල

වශයෙන් වෙසෙන අක්කර හැටපන්දහසකින් සමන්විත වනයකි.

සෑම වසරකම නියං කාලය වන ජුලි සිට සැප්තැම්බර් මාසවලදී වනය විටින් විට මාස දෙක තුනක් තිස්සේ

ගිනි ගැනීමෙන් අක්කර දහස් ගණනක් ගින්නට හසුවී වනයේ යටි රෝපනය වන මානම් ඉලුක් ඇතුලු ශාක

වර්ග විනාශ වී යන බව ගම්වාසීන් කියයි. වනයේ නිතරම ගින්න තිබෙන බවත් සුළං හමන අවස්ථාවලදී ගින්න සීඝ්‍රයෙන් පැතිරී යන බවත් අවට

ගම්වාසීන් කියයි.වසරක් පාසා වනය ගිනි ගැනීම නිසා කුඩුම්බේරිය ශාක හා  අරළු,බුළු,නෙල්ලි ඵලදාව සරු වන බව ගැමියන්කියයි.

 නිතර හටගන්නා ගිනිගැනීම් ඇතැම් අවස්ථාවල ස්වභාවිකවම නිවීයන බවත් සමහර අවස්ථාවලදී පොලීසිය, වන නිළධාරීන් සමග ප්‍රදේශවාසීන් ගින්න නිවන බවත් ප්‍රදේශවාසීන් කියයි.