(නිමන්ති රණසිංහ)

නිරෝධායන කි‍්‍රයාවලිය අවසන් කළ පුද්ගලයින් 3459 දෙනෙකු මේ වන විට නිරෝධායන මධ්‍යස්ථානවලින් පිටව ගොස් ඇතැයි කොඩිඞ් 19 පැතිරීම වැළැක්වීමේ ජාතික කි‍්‍රයාන්විතයේ මාධ්‍ය ප‍්‍රධානි යුධ හමුදාපති ලූතිනන් ජනරාල් ශවේන්ද්‍ර සිල්වා මහතා පැවසීය.

දින 28ක කාල සීමාවක් නිරෝධායනය වීමෙන් අනතුරුව අද (09) නිරෝධායන මධ්‍යස්ථානවලින් පුද්ගලයින් 37 දෙනකු නිරෝධායන කටයුතු නිමවා ඔවුන්ගේ නිවෙස්වලට පිටත්ව ගිය බවද යුධ හමුදාපතිවරයා වැඩිදුරටත් සදහන් කළේය.

මෙම පුද්ගලයින් සියලූ දෙනාම කොරෝනා වයිරසය පරීක්ෂා කිරීමේ පි සී ආර් පරීක්ෂණය දෙවතාවක් සිදුකිරීමෙන් පසුව මෙලෙස පිටත් කර හැරි බවද යුද හමුදාපතිවරයා පැවසීය.

එසේම, මේ වන විට පුද්ගලයින් 1311 දෙනෙකු නිරෝධායන මධ්‍යස්ථාවල තවදුරටත් නිරෝධායනය වෙමින් සිටින බව ද යුද හමුදාපතිවරයා සදහන් කළේය.