(ජයන්ත සමරකෝන්)
 
වීසා කාලය ඉක්මවා නීතිවිරෝධී ලෙස මෙරට රැඳී සිටිමින් ඉදිකිරීමේ වැඩබිමක සේවය කළ ඉන්දියානු ජාතිකයින් 44දෙනෙකු ආගමන විගමන විමර්ශන අංශයේ නිලධාරීන් කණ්ඩායමක් විසින් අද(05) කොම්පඤ්ඤවීදියේ වැඩබිමකදී අත්අඩංගුවට ගෙන ඇත.
 
එහි සේවය කළ තවත් ඉන්දියානු කම්කරුවන් 18 දෙනෙකුගේ ගමන් බලපත්‍රවල වෙනත් ඉදිකිරීම් ආයතනයක නමක් සඳහන්වීම හේතුවෙන් එම බලපත්‍ර සිය භාරයට ගත් බවද සහකාර පාලක(විමර්ශන) නිලධාරී එම්.ජී.එම්. කාරියවසම් මහතා පැවසීය.
 
අත්අඩංගුවට ගත් ඉන්දියානු ජාතිකයින් 44 දෙනාගේ වීසා කාලය මාස 3කට වඩා ඉක්ම ගොස් තිබූ බවද ඒ මහතා කීය.
 
මෙම පිරිස මේ  වනවිට මිරිහාන රැඳවුම් කඳවුරේ රඳවා ඇත.
 
ආගමන විගමන පාලක ජනරාල් පසන් රත්නායක මහතාගේ උපදෙස් මත මෙම වැටලීම කර ඇත.