(එච්. චන්දන)

පුත්තලම  සෙල්ලන්කන්දල්  රක්ෂිතයේ සැරි සැරූ ගැබ්බර කෙනෙරකු මිය යාමේ සිද්ධිය සම්බන්ධ ප්‍රශ්න කිරීම සඳහා පුද්ගලයින් දෙදෙනකු අත්අඩංගුවට ගත් බව කරුවලගස්වැව වන ජීවී කාර්යාලය කියයි.

මානවේරිය  ප්‍රදේශයේ පුද්ගලික ගඩොල් කර්මාන්ත ඉඩමක අද (09) මියෙගාස් සිටි වයස අවුරුදු 25ක් පමණ විය හැකි ප්‍රදේශයේ ජනතාවගේ ‘නගුට කොටා’ යනුවෙන් හඳුන්වන මෙම සද්ධන්තයා කෙසේ මිය ගියේද යන්න දැනටමත් වන ජීවී නිලධාරින් විසින් පරීක්ෂණයක් ආරම්භ කර තිබේ.

 මෙම කෙනෙර මියෙගාස්  සිටි ආසන්න ඉඩමේ අටවා තිබූ විදුලි රැහැනක පැටලී මිය ගියේද යන්න සැක සහිත බවත්, විදුලිය ඇද තිබූ යැයි සැක කෙරෙන කම්බියක්ද මෙම සැක කරුවන් සමග අත් අඩංගුවට ගෙන තිබේ.

මිය ගිය කෙනරගේ පශ්චාත් මරණ පරීක්ෂණය පැවැත්වීමට නියමිත අතර කරුවලගස්වැව වන ජීවී කාර්යාලය සිදධිය පිළිබදව පරීක්ෂණ පවත්වනු ලබයි.

නිරන්තරව සිරම්බිඅඩිය මානවේරිය ප්‍රදේශය වන අලින්ගේ තර්ජනය මුහුණ දෙන බවත්, තම ගොවිබිම් හා නිවාස වලට නිරන්තරවම හානි සිදුකරන බවත් ප්‍රදේශවාසිහු පැවසූහ.

(ඡායාරූප - එච්. චන්දන)

(ඡායාරූප - රෝවන් පෙරේරා)